Pili apa saja ko mau ?

Urang2 tua bilang " Harimau mati meninggalkan belang, manusia mati meninggalkan nama" nama yg baik sampai bila2 akan d cakap urang, kalau jahat pun tatap juga d cakap tapi sandikkk ' kutukan bukan alang2, kalau dia pecuri alamat kata2 ini keluar d mulut urang '' ngam lah dia mampus .. masa dia idup dia curi ayam, kerbau saya ...atau kalau inda keluar d mulut pun berkata-kata d ati tatap ADA

Ustaz Fadil Nor - antara manusia yang aki parna jumpa masa dia pigi d sandakan sabah ... aduiiii bukan alang2 Zuhud, sama juga Tuan GURU Nik Aziz bacakap ketika ada dia mau cakap ...salama 1 ari suntuk aki sama2 dia d kk duluuuuuu butul kanangan. jadi kita mau apa sikarang ? mau nama baik ka jahat terpulang, masa idup inilah kana buat butul2 kebaikan.

pangkat darjat, kekayaan dan apa saja inda buli d bawa mati apa lagi bawa dalam kuburrr

Urang baik2 masa idup, agama d jaga dan sagala perinta Allah d buat urang akan terus ziara kuburan dia untuk bagi doa .. inda kira ada pangkat atau indada. cuba tingok kuburan urang2 besar masa d dunia banyak kah yg datang bagi doa ? kusung kan atau kalau ada pun bermusim itu pun karana hari peringatan .. makam wali2 Allah biar kita inda datang pun doa tatap ada saja yg membagi.