KEHORMATAN Diri terjajah ?

pesta jagun hanya ada di kota marudu, inilah ikon kota marudu setiap tahun d sambut dengan macam2 acara antaranya pamiran hasil pertanian, gerai2 jualan, kebudayaan, cipta rekod malaysia, ratu cantik, menyanyi dan macam2 lagi semuanya bernama pesta..Perseolannya untuk apa ? kasi naik ekonomi rakyat, kasi maju pekan kota marudu.. semua ini ada dalam karatas yg bernama masyuarat, fail tindakan dan macam2 lagi nama fail..siapa yg terlibat ? urang pulitik (MP/ADUN ) pejabat daerah, ketua2 jabatan negeri dan persekutuan, persatuan berkaitan dan ketua sagala ketua yg berkaitan.

Untuk dia siapa ? butul2kah kapada rakyat kota marudu? Mari aki kasi hurai.. peruntukan untuk buat pesta ini ada dua sumber kerajaan ' PUSAT/NEGERI' inda mungkin pesta ini duitnya dari sumbangan jutawan kota marudu atau jutawan UMNO atau jutawan2 luar ( KAJIAN AKAL AKI ) berapa banyak ? RATUS RIBU kompommm OK ..aki kasi lanjut lagi cerita dia..siapa dapat nama, untung dan sama waktu dengannya.. yang untung ampai2 tataplah PENIAGA, MP dan ADUN manakala rakyat sedikit sajaaaaa dari puluhan ribu urang2 kota marudu aduhaiiiiiiiiiiiiiiii kasi pindik cerita ( PAHAM KAN KAMU ? )

RIBUAN penduduk kota marudu urang ini juga balik2 di ambil sebagai MC/PENGACARA/DJ dengan harga RIBU sakali dia naik pantas dengan bahasa radionya .. indada kah urang2 kota marudu yg hebat sikit dari urang ini aaaaaaaa ? kalau hebat butul, kanapa baru2 sambutan pesta jagun ini pegawai daerah mengomel inda puas hati bagitu juga pendengar..siapa punya silap ? aki yg tua2 ni pun kalau d bagi paluang bulum tahu lagi siapa hebat bah..bikin kasian ini kota marudu, semua main pangil urang luar bikin MALUUUUU urang2 kota marudu pulak macam idung kana cucuk ( KARABAU )

DJ ini lagi bacakapppp di depan penuntun ... JAGUN INI DARI TUARAN KAN ? ngammmmmmmmmm padan muka semua kana dan AKI suka akhirnya keluar juga parkataan ini. sebanarnya butul, mana ada ladang jagung macam padi di kota marudu..tapi inda tahu kapal2 pemikir ini SOT2 masa buat pilihan ikon bagi kota marudu langsun inda ngam..kalau inda sampai pikiran kan bagus minta pandapat. OK cuku pasal ini.....!!!

Lain x kalau masyuarat ( cari pikiran2 hebat ) panggil semua lapisan masyarakat bah .. jangan simpan utak2 d kaki lima, mantang2 kamulah jaga kota marudu karana jawatan kamu langsung inda melihat pemikir2 d luar yg lebih baik pikiran diurang dari kamu ...badan2 NGO pangil, wakil2 petani, penternak, nelayan dan urang2 bukit..SATU lagi masalah BESARRRR semua yg berkaitan ada juga wakil2 inda dapat d nafikan.. tapi semuanya urang2 yang sama tiap2 tahun d panggil masyuarattttt apa kata kalau aki jadi ketua mencari kulumpuk2 pikiran2 hebat ? semua yg terlibat pikiran zaman 60an, 70an yang BAKARAT lupa zaman ini zaman IT .. OK isu ini juga cukup dulu.

RAKYAT YG UNTUNG ATAU ... ? pikir2lah urang2 kota marudu, aki yg indada iskulah ni pun buli kira, buli pikir siapa untung. Kalau mau tahu panggil aki buat CERAMAH di kota marudu.