Apa yg salamat ?

ingat aaaaaaaaaaa mulut kita jangan buat carita kalau inda butulllll...

ada babarapa jam dari sikarang kita masuk tahun 2010 dan 2009 akan tingalkan kita suda tantu banyak kanangan dan karaja kita buat tahun 2009 kita akan bawa ke tahun 2010 ... yang inda parna2 salasai. AWASSSS !!!

Gambar ; http://minaq-jinggo.fotopages.com/

inilah aku mau....tahun 2010 aku punya, aku bah itu...bah buatlah apa2 yang panting carita butul2 ...esok kita tinguk apa yg barlaku sambutan baru x ini ...

inda puas ati ...

Cakap mr. aki ini macam saja; Bila suara rakyat inda d paduli atau inda d dengar maka rakyat akan bangun malawan...walaupun sebilangan saja yg demikian tapi kasannya amat basar, bila luka ati rakyat maka jangan hairan tangan mereka akan bertindak...semoga tahun 2010 membari sinar bnaru pada anda semua ...siapa tahu anda jadi YB kahhhh

Gambar dan barita; http://minaq-jinggo.fotopages.com/

MEMORANDUM

KAMI BADAN BERTINDAK GERAKAN KESEDARAN PENYOKONG DAN PENGUNDI PAS SELANGOR (GKPPNS)

DENGAN INI MENDESAK, KEPIMPINAN PAS SELANGOR SUPAYA MENGKAJI SEMULA KERJASAMA DAN PERSEPEKATAN DALAM KERAJAANNEGERI SELANGOR DI BAWAH PAKATAN RAKYAT BERLANDASKAN FAKTOR DAN PRINSIP DI BAWAH:-

1. PAS wajar menghentikan pakatan dengan DAP dan PKR yang jelas menolak Negara Islam.

2. PAS jangan merelakan diri menjadi bineka kepada DAP dan PKR.

3. PAS jangan sesekali menggadaikan maruah perjuangan demi agama dan bangsa hanya semata-mata untuk berkuasa.

4. PAS kekal sebagai Parti Islam dan tidak perlu bersekutu dengan kafir.

5. PAS sama sekali tidak relevan untuk berpakat dengan DAP.

6. PAS tidak perlu bergantung kepada parti lain utnuk berjuang dan perlu membina keyakunan rakyat terhadap PAS.

7. PAS bukan alat kepada parti lain.

8. Pas jangan membiarkan diri mereka diajar oleh rakyat sebagaimana yang berlaku kepada BN.

9. PAS perlu kembali ke pangkal jalan.

10. PAS perlu melaksanakan prinsip perjuangan yang telus berdasarkan perlembagaan dan mempertahankan hak Melayu dan Islam.

11. PAS mempunyai maruah sendiri.

12. PAS perlu realistik dalam menangani isu-isu sensitif yang melibatkan hak orang Melayu Islam dan bukannya mengikut kehendak Pakatan Rakyat yang
jelas didominasi oleh Dato' Seri Anwar Ibrahim.

13. Menyedari PAS sebagai sebuah parti yang memperjuangkan Islam seharusnya mengambil iktibar dalam senario politik Perak dan jangan nanti dihukum oleh penyokong dan pengundi PAS Selangor.

GERAKAN KESEDARAN PENYOKONG DAN PENGUNDI PAS NEGERI SELANGOR

Meniru d kasi talanjang...

gambar; buaya mera.blogspot.com


gara2 meniru jawapan palajar d sebuah sikula d jipun d kasi ukum oleh pihak sikula agar masuk d dewan peperikasan talanjang abisss .....puas ini guru lalaki meningu sagala barang2 sulit ada yang basar dan kicil.....ukuman yang inda partikal, bukan dapat manjawap seolan gara2 d kasi talanjang tapi malu melulu.....pangajarannya banyak, antaranya jangan meniru hak cipta urang.

cakap pun indada guna...!!!

INGATTTTTTTT

Gambar; http://minaq-jinggo.fotopages.com/

wahai para pembuhung dan para munapik sekalian ingatlah satu masa nanti saya akan buka pembuhungan kalian.... ingatlah !!!

dalam islam keadilan wajip d tagakkan, dalam islam membila diri adalah wajip...tapi kanapa inda berlaku adil ? inilah mangkali yang d cakap oleh tokoh agama yg tersohor ini ( dr. yusup atas ) demikian juga barlaku pada mr. aki ......cuma tungu saja malatup, lama mr. aki pikir2 dan timbang2 tapi keadilan d kasi tapuk2 oleh pemimpin2 kecil ini...bukan inda sabar. sabar berbuat kebaikan itu wajip tapi sabar melihat kemungkaran itu inda ngam....Tuhan amat murka, dosa basar inda menantang kemungkaran. Ingat2lah kita semua yg masi idup ini barlaku adillah meskipun balakun2 inda apa...lama2 ikhlas, jangan balajar main pulitik kutur dan main tikam2 ....balajarlah kita manganal mana satu kawan dan lawan. SEMOGA 2010 SEMUA KITA MENJADI MANUSI2 BAIK.

Malam Jumaat Main2, Jumaat buat apa ?

malam samalam ramai yang baramal siuk2 ... apakah indanya ibadah ini bukan sja siuk tapi bikin tanang pikiran dan parasaan. Siangnya pulak buata apa ? tantunya pigi jumaat , pigi sambahyang d surau2 dan masjid2 ....jumaat adalah ketua sagala ketua hari...banyak padilat kita baramal. minta ampun sagala dosa2 pada Allah dan sasama manusia...ingatlah dosa kita pada Allah cuma taubat jalannya dengan sarat jangan ulang2 itu dosa, dosa pada manusia jalannya minta maap pada urang yang barkanaan....banyak x mr. aki cakap takutlah dengan doa urang yang kana jalimmmmmmm tapi kita urang lupa dan inda ingat... jadi apa lagi mau d tungu, masa masi ada minta maaplah pada urang barkanaan....sabulum talambat, sabulum mati...jangan main2 dengan dosa2 kita.

bah pikir2 kita

Prof Dr Yusuf Al-Qaradhawi - pemimpin wajip d tegur, masyarakat juga wajip d tegur apa bila mereka malakukan pakara2 yang mungkar...mau dengar atau inda itu lain kira, tapi kana ingat bumi ini bukan sendiri yg tinggal.. padas dan sakit macam mana pun kana kasi tau pada mereka yg buat pakara inda bagus.

gambar; minag-jinggo

Para pembuluk patut d angkat atau d jadikan kawan2 oleh mana pati atau pertubuan karana mereka punya pen...siap saja buli jatu akibat mereka, oleh itu mr.saran mana2 pemimpin hormatlah para pembuluk yang ada....jangan bila ada lawatan asik2 kakitangan karajaan saja mandapat tampat duduk bagus2 dan d kasi hormat...patut para pembuluk d bagi ruang tampat duduk dan bagi ruang berjumpa pemimpin2 ...sabap bukan semua pembuluk jahat2 balaka.

gambar; budak sungai - inilah akibat bila mana inda ati2 d jalan raya...panguna jalan juga jangan kurang ajar sangat mantang2 kurita basar jalannya macam palasit lajunya...ingat juga urang lain, walaupun mati bila2 tapi barusaha untuk mengilak juga kewajipan. semoga ruh urang yg mati ini d ampunkan dosa2nya.

ayam mati... ?

ayam mati butul ko ini....d sabah cakap ini biasa d dengar, masa mara2, masa main2 dan sabagainya...yg mr. aki mau cakap ini barkaitan beberapa guru yang ayam mati butul2 mabuk sana sini dan berjudi sana sini, bukan itu saja dia ini juga kaki pangurat, kaki batina, kaki parampuan...walaupun suda ada bini dan baranak pinak...mantang2lah dia ada duit, ada kurita, ada kasanangan barbanding urang lain ....duit dia sanang2 saja di pakai main siuk2, dulu masa dia balajar dan masa sikula...bukan alaim lagi dia. ingat2lah asal usul mu cikgu bapamu urang bukit, keturunan mu makan ubi kayu dulu2, nasip saja ko ini terturun d tana rata dan sampat pigi sikula...kalau inda alamat ko jadi tukang putung gata itu pun kalau ada...kalau indada alamat2 d suru2 manabas ulih urang2 tana rata....kasianlah sama anak bini ko yg baik itu...sikarang ini dengar2 ko tingi dara gara2 minum inda beranti.

kapada guru ini taubatlah sabulum ajal.
buat guru J...A
ingat ruma mr. aki

Jangan ?

Jangan bising, jangan kasi tau urang lain , diam2 kau, kita2 saja yg tahu aaaaaaa , biar paca d parut jangan paca d mulut dan macam2 lagi dengan petunjuk gambar manusia paling kaya d dunia yg terlibat dengan dunia sukan....kata2 d atas buli kita pakai kalau memberi keuntungan pada agama, nagara dan bangsa tapi kalau bikin hancur buat apa inda buka itu mulut kan ? tapi barapa urang yg butul2 dengan perjanjian ' JANGAN' ?

pak turut inda apa kalau yg baik tapi kalau yg buruk buat apa pak turut....oleh itu jadikan tahun 2010 tahun2 kebanaran buat para pajuangg

HIJRAH 1431

bagi umat silam pastinya catatan2 hijra 1430 suda pun d tutup samalam ... dan barmula ari ini catatan baru talah bermula untuk d conting sesuka ati kita dengan mangunakan tangan kita... cuma ingat2lah umur kita juga suda memindik saat ini mala ada yg tarlalu hampir untuk mati...mari kita tanya diri kita sendiri, tahun 1430 banyak mana amal soleh kita aaaaaaaaaaaaa solat kita, puasa kita, zakat kita, haji kita ....seolan ini juga akan d tanyakan masa kita mati nanti... berjuang bagai mana kuat sakali pun kalau kita inda solat indada guna, barzakatlah banyak2 kalau solat inda d buat itu semua bagaikan habuk nilainya...dan apa saja kebajikan kita buat sakali pun kalau solat kita inda buat itu semua indada erti.......ingat salalu kita dengar pak imam barcakap dalam khutbahnya ' sembahyang adalah tiang agama islam ' kalau ada dinding dan lantai sakalipun inda kejadian kalau indada tiang.... jadi mari kita kasi banyak ibadah kita pada tahun 1431 ini ada kasampatan lagi...salamat tahun baru hijrah 1431

haji oh haji

Ketua pemuda UMNO Tenom bersama keluarga pigi mekah buat ibadah umrah..pemuda2 umno patut tiru sikap pemuda ini yg bersyukur atas nikmat jawatannya, jangan buat enjoiii saja ke sana ke mari manabur dosa ....mr. aki bukan pitnah tapi barlaku d dapan mata mr. aki

PEMUDA TENOM - bagus utak dia beli kurita untuk tujuan khidmat masyarakat, ini bermakana siapa saja urang yang perlukan kurita ini buli pakai...inda kira pati karajaan atau pambangkang, pahaman agama dan sabagainya.

walaupun bukan yb dia tatap melihat masalah urang2 kampung apa lagi kalau suda jadi yb .... mr. aki mau lihat dia ini sampai mana pulitiknya, sabap dia merupakan anak didik mat taip. dia ini salalu juga mr. aki kasi taling ( taling ingatan ) sabagai kawan alhamdulillah dia inda ambil ati pasal ingatan yg mr. aki bagi butul2 punya.

Tanda2 ... ?

sebuah kalap malam d tailand tabakar tiba2 ketika pengunjung main sadap2 minum arak dan main sadap2 dengan parampuan... mati tabakar dalam kadaan main siuk2. ini pangajaran bagi kita urang silam yg suka pigi kalap malam daripada pigi surau dan masjid untuk sambayang.

sadar2lah kita aaaaaaaaa jangan inda sadar2 tua suda kita ini....mati pun bila2 saja datang pada kita, muda2an d kasampatan yang ada ini kita barabis buat kabajikan dan amal ibadah, kalau suda tua inda mungkin kita buli buat lagi amal lagi...jadi mari kita barabut baramal dari barabut buat karaja yang indada hasil.

di kasampatan ini mr. aki kasi turun satu ilmu yg buli kita amalkan dari sikarang....kalau membubut purijik kita ingat tarikh dan masa bila d adakan masyuarat masuk tender, kanapa tidak kita ingat tanda kamatian kita yg tarlalu dakat ? mari kita ingat tanda2 ini ... mungkin juga tanda2 ini ada pada pambaca atau lapas ini mr. aki pulak akan dapat tanda2 ini .. ? semoga tanda2 yang kita rasakan ini kita barabis bertaubat dan minta ampun sagala dusa2 kita yg banyak...!!!

Tanda 100 hari sebelum sakaratulmaut.

Ini adalah tanda pertama dari Allah SWT kepada hambanya dan hanya akan disedari oleh mereka yang dikehendakinya. Walaubagaimanapun semua orang Islamakan mendapat tanda ini cuma sama ada mereka sedar atau tidak sahaja.

Tanda ini akan berlaku lazimnya selepas waktu Asar. Seluruh tubuh iaitu dari hujung rambut sehingga ke hujung kaki akan mengalami getaran atau seakan-akan mengigil. Contohnya seperti jika diperhatikan dengan teliti kita akan mendapati daging tersebut seakan-akan bergetar. Tanda ini rasanya lazat dan bagi mereka yang sedar dan berdetik di hati bahawa
mungkin ini adalah tanda mati maka getaran ini akan berhenti dan hilang setelah kita sedarakan kehadiran tanda ini. Bagi mereka yang tidak diberi kesedaran atau mereka yang hanyut dengan kenikmatan tanpa memikirkan soal kematian, tanda ini akan lenyap begitu sahaja tanpa sebarang munafaat. Bagi yang sedar dengan kehadiran tanda ini maka ini adalah peluang terbaik untuk memunafaatkan masa yang ada untuk mempersiapkan diri dengan amalan dan urusan yang akan dibawa atau ditinggalkan sesudah mati.


Tanda 40 hari sebelum hari mati

Tanda ini juga akan berlaku sesudah waktu Asar. Bahagian pusat kita akan berdenyut- denyut. Pada ketika ini daun yang tertulis nama kita akan gugur dari pokok yang letaknya di atas Arash Allah SWT. Maka malaikat maut akan mengambil daun tersebut dan mula membuat persediaannya ke atas kita, antaranya ialah ia akan mula mengikuti kita sepanjang masa. Akan terjadi malaikat maut ini akan memperlihatkan wajahnya sekilas lalu dan jika ini terjadi, mereka yang terpilih ini akan merasakan seakan-akan bingung seketika.
Adapun malaikat maut ini wujudnya cuma seorang tetapi kuasanya untuk mencabut nyawa adalah bersamaan dengan jumlah nyawa yang akan dicabutnya.


Tanda 7 hari

Adapun tanda ini akan diberikan hanya kepada mereka yang diuji dengan musibah kesakitan di mana orang sakit yang tidak makan secara tiba-tiba ianya berselera untuk makan.


Tanda 3 hari

Pada ketika ini akan terasa denyutan di bahagian tengah dahi kita iaitu diantara dahi kanan dan kiri. Jika tanda ini dapat dikesan maka berpuasalah kita selepas itu supaya perut kita tidak mengandungi banyak najis dan ini akan memudahkan urusan orang yang akan memandikan kita nanti. Ketika ini juga mata hitam kita tidak akan bersinar lagi dan bagi orang yang sakit hidungnya akan perlahan-lahan jatuh dan ini dapat dikesan jika kita melihatnya dari bahagian sisi. Telinganya akan layu dimana bahagian hujungnya akan beransur-ansur masuk ke dalam. Telapak kakinya yang terlunjur akan perlahan-lahan jatuh ke depan dan sukar ditegakkan.


Tanda 1 hari

Akan berlaku sesudah waktu Asar di mana kita akan merasakan satu denyutan di sebelah belakang iaitu di kawasan ubun-ubun di mana ini menandakan kita tidak akan sempat untuk menemui waktu Asar keesokan harinya.


Tanda akhir

Akan berlaku keadaan di mana kita akan merasakan satu keadaan sejuk di bahagian pusat dan ianya akan turun ke pinggang dan seterusnya akan naik ke bahagian halkum. Ketika ini hendaklah kita terus mengucap kalimah syahadah dan berdiam diri dan menantikan kedatangan malaikatmaut untuk menjemput kita kembali kepada Allah SWT yang telah
menghidupkan kita dan sekarang akan mematikan pula.

Sesengguhnya mengingati mati itu adalah bijak

sambarangan ...

1. sambung lagi carita kes2 kawin dan carai ini ....d makmah syariah dan pjbt2 agama d malaysia bertimbun-timbun banyaknya kes ini..mala ada kes bertahun-tahun menungu keputusan ' manang atau kala' sampai tua c pemohon pun ada menungu..kesian mereka yang tarlibat. mau kawin baru pun inda buli tarutama parampuan pasal butiran peribadi targantung-gantung.

2. pergulakan pulitik pulak bukan alang2 kancang juga dari pati karajaan sampai kapada pati pambangkang, injak menginjak gambar sesama sendiri, kasi ubah gambar menteri2 dan yb2 menjadi juga....tujuan dia masing kasi tunjuk dialah yg banar, dialah yg kuat, dialah yg ada pangaru dan sabagainya.

3. badan2 ngo juga tumbu bagaikan kulat lapas ujan...sana sini dengan tujuan dan matalamat atas karatas dan sabagainya. yg aktif dan butul2 buat alhamdulillah yg inda aktif dan tidur2 itu bagilah pada urang lain yg butul2 buat karaja.

4. Ketika kerisis2 mana pertubuan, badan2 ngo dan perkumpulan kasi salasailah bagus2 ikut perlambagaan, ikut ketatapan masuarat, ikut undang2 dan sabagainya sandaran rujukan barsama... jangan buat tapuk2 d hotel2 atau main sms saja kalau hanya 3 pakara dan 10 pakara saja d jadikan sandaran kasi keluar mana2 ahli.... kasi teliti butul2 dan perisidin terutamanya pangil mana2 ahli yg d lihat barsala....kalau barsala sakali pun bukan tarus d buang keahalian banyak ukuman yg ada kalau butul2 barsalah. ini antara ukuman dia; 1. gantung keahalian dia barapa tahun inda buli bartanding dan mengundi dan sabagainya, 2. tindakan dispilin, 3. suru dia latak jawatan dengan bukti2 surat dan sabagainya cukup ini dulu ......manakala bagian barisan pemimpin pulak sawajarnya ada pakara ini; 1. wujudkan ajk panasihat untuk membuktikan tuduhan2 dan kasalahan2 yg berkaitan lapas itu bincang abis2an undang2 mana mau pakai....2. panggil ahali yg d syaki malangar paraturan untuk membuat tunjuk sabap serta saksi2nya.

Ringkasnya jangan terburu0-buru buat ukuman dan keputusan kawan2 , sahabat2, sekumpulan jamaah dan persatuan, pertubuhan dan semua yg terlibat dengan dunia pengukuman.... mr. aki keciwa pakara ini d lupakan oleh kita...!!!

Rokitttt

http://minaq-jinggo.fotopages.com/

semua urang tau mau pigi bulan masti pakai rokit....semua urang tau mau dapat anak masti kawin cuma nabi isa indada bapa dia cuma ada ibu ( itulah kekuasan ALLAH ) namun pada hukum alamnya masti kawin.... bila suda kawin maka bulilah mangarajakan yg haram pasal suda halal ' SALAMAT PANGANTIN BARU ' bulan ini banyak kawin atau bilang urang yang nakal2 bulan buat anak.....tapi bila inda ngam suda ada hukum lagi yg juga halal ' CERAI ' talak 1 , talak 2 atau talak 3 pili saja mana2 yg sasuai dengan parmasalahan....pun salapas d timbang, d sukat, barsabar, minta nasihat dan sabagainya usaha kasi bagus pasangan.....tapi ada juga suami yg inda pakai ini semua yang dia tau CERAI saja ...jenis lalaki ini PUNDAN yg dia tau itu saja......kaji dulu, cari bukti dulu, tanya dulu urang yg barkanaan dengan kes yg bikin sakit ati atau yg bikin sakit talinga.....jangan dengar 1 pihak saja. ini banyak barlaku sikarang...bukan saja dalam rumatanga tapi juga dalam mana2 perkumpulan pulitik, badan ngo atau parsatuan...manjadi katua masti ambil jalan ini;

1. jangan bagi ruang masuk mana2 kuman pembunu dari dalam atau luar sabagai pendurung satu2 keputusan dan tindakan...minta nasihat pada urang yg indada kapantingan dalaman itu lebi bagus.
2. semua pihak yg barsalah bagi ruang membela dengan saksi2nya, jangan tutup ruang mereka
3. sidang jangan tutup mana2 yg terlibat kasi masuk mencadang, kasi pandapat dan sabagainya
4. nama2 yg d sebut oleh pihak saksi wajip pangil semua.

cukup x ini mr. aki bacakap pasal kisa2 dunia...

Puan2 Tuan2

bilang askar satu piluru satu musu ...ertinya timbakan ngam2 pada musu, inda buang masa, inda mambazir piluru ini askar punya carita... ada satu lagi carita piluru juga tapi ini bukan lagi satu piluru tapi mangamburrrrr sana sini nama piluru ini ada dalam wayang watak dia JOYAH karaja manjual barita terkini....inda apa kalau butul atau inda d kasi tamba2, ini manmba banyak... 5 barita jadi 100 berita, 5 itu butul2 yg lain d kasi tamba2 ikut bahasa dan pahaman dia...sadangkan dalam skirip dan watak2 mereka saja yg tahu butul2 tapi dia tamba2 bukan alang....sapatutnya kalau mau mancari kabanaran panmggil palakun dan watak2 tersebut...ini inda, lapas itu pangara yg pintar jadi budu oleh c pangamburrrrr maka matilah watak yg sapatutnya inda paya d kasi mati...katawalah iblis yg barjaya kasi hancur manusia d bumi ini.

balajarlah kita jadi adil... pencuri sakali pun jangan kasi ukum tarus dulu, pangil dia dulu dan tanya kanapa dia mancuriiiiiiiiiiiiii dan barang apa di curi....dalam islam yg hampir2 kapada kamatian karana kalaparan indada makanan saat itu kalau ada makanan seperti buah2 utk d makan masa itu wajip atas dirinya makan buah itu maskipun bukan milik dia...manakala tuan punya buah itu wajip kasi halal karana dengan itu dia dapat pahala....tapi kalau langsung tatak tangan pancuri itu karana mencuri makanan tanpa usul pariksa itu namanya ZALIMMMMMMMMMM .

bagitu juga makan BABI itu haram pada urang silam...makan babi d haruskan ketika seseorang itu kalaparan ampir2 mati....ketika itu hanya ada babi maka harus bagi dia makan babi sakadar kasi sambung nafas....tapi banyak urang silam yg jahil inda balajar, maka bila ada urang yg cakap macam ini dia kata ko SASATTTTTTTTTT

RINGKASNYA ATI2 KASI UKUM, PARA MUNAPIK ITU LINCA MACAM BALUT DAN SUSUMPA BULI TUKAR2 WARNA....MATA MASTI TAJAM MENINGU.

Dalam rumah ada ?

dalam ruma ada bapa, ada bini dan anak2 semua ini ada paranan masing2 ...anak2 pulak ada yg ikut cakap bapa dan mama ada yg inda ikut cakap karana manja atau dia andang2 bessikap begitu ALLAH jadikan untuk menguji c bapa dan c mama apa kah dia sabar atau d sabaliknya atau apakah mereka bijak membaca watak2 anak, bijak mangatur...namun apa saja parangai anak2 kita mereka itu anak kita....ada masa buli pukul atau rotan anak2 ketika suda berusia 7th kiranya dia inda mau solat dan kasalahan lain yg patut d kasi rutan...bila dewasa pulak bagilah kebibasan mereka berpikir pasal bapa dan mama suda tua dan kambali kapada sipat kebudak-budakan ... walaupun bagitu jangan duruhaka pulak, duruhaka maksudnya jangan kasi sakit ati mereka...SALAMAT MANYAMBUT MAHAL HIJRAH

ALDUSUNI; JASAMU DIKENANG

PENGUMUMAN KHAS PERUBAHAN PORTFOLIO SAM

Nazri Abdullah yang lebih dikenali sebagai "Al-Dusuni" telah mengosongkan kerusi beliau dalam SAM untuk memberi perhatian khusus kepada aktiviti-aktiviti keagamaan melalui SMS (Suara Mualaf Sabah), Utara.FM dan Komuniti 1Sabah disamping aktiviti-aktiviti kemasyarakatan lainnnya.
Sehubungan dengan itu maka berlaku kenaikan pangkat secara kekananan di dalam organisasi SAM:
Tim. Presiden : Dr. Nelson Maisin (Ison)
Naib 1: Ismail Ali Aspar (Dinakan)
Naib 2: Jaymon Musit (DJ Lugu, Admin SAM)
Naib 3: Jalimik Sawatan (LM)
Jawatan-jawatan lain adalah kekal seperti asal.
Pihak SAM amat merasa kehilangan kepakaran beliau dan menghargai segala sumbangan beliau selama berada di dalam SAM. Beliau antara tenaga pengerak dan pencetus idea untuk menubuhkan SAM kira-kira setahun yang lepas.
Jasamu dikenang tuan dan semoga lebih cemerlang di SMS, Utara.FM dan 1Sabah.

Read more... Dicatat oleh
SANGURU di 1:48 AM


Ulasan mr. aki pindik saja - tahania kapada yg d lantik...sajarah tatap menulis parjalanan untuk d baca urang2 kamudian.

mr. aki d sarang lagi...

gambar ini tersibar bukan alang2 ketika pak lah menjadi pm ...pak lah d kata abis2an dengan macam2 bahasa dan tangapan oleh para pambangkang dan para pembulug, kalau pak lah pun d cakap dengan macam2 pangilan dan galaran....apa inda buli kita cuit2 datuk masidi sikit2 dengan gambar yg mr. aki dapat dari album facbooknya...apa dia malaikat dan pak lah ini antu ? sampai ada urang yg mara2 dengan mr. aki hanya karana gambar yg mr. aki kasi pos ....dan minta si DINAKAN supaya buluk mr. aki ini d kasi sinarai hitamkan....dia kata juga yg mr. aki ini jaga tapi kain urang...kalau para pambaca lihat bukuk2 d samananjung yg sukung karajaan dan pambangkang baru kamu tau.....lebi turuk dari buluk mr. aki d mana gambar2 d kasi tukang tukar ini dan sabagainya ...tapi inda pulak yg tukang cakap ini minta pm kasi sinarai hitam buluk2 ini.....sabulum kasi jatu ukuman bagus keliling dulu dunia buat parbandingan buluk mr. aki dan yg buluk2 yg lebi turuk.

ada juga mangandaikan komin2 d suara anak marudu itu karaja mr. aki ....sial butul tangapan itu, mr, aki tau yg buat tangapan itu kawan2 juga...tapi kamu ingat aaaaaaaaaa jangan tuduh2 sambarangan...buruk padanya...jangan main2 kamu sala urang ini.

ada jumaat ka

apa kabar pambaca ? samakin ari kita punya umur jadi pindik bukan...samakin ari juga kita batamba tua, batamba dakat pada kuburan, batamba kurang tanaga kita.....kapada muslim ari ini kamu ada pigi sambayang jumaat kah ? sukurlah pada yg ada pigi jumaat...yg indada ini x yg barapa kamu inda pigi jumaat ? kalau 3 x turut tanpa alasan manasabah pada hukum feqahnya sangasara tau hukum dia......kalau inda parcaya tanya ustaz d tampat kamu...ok aaaaaaaaaaaa jumpa lagi

kalau inda sabarrrrr

Cikgu asnal dan cikgu androd yg satu urang ini pangurusi, yg kedua timbalan pengurusi sambutan ari keluarga 1 tandik yg tercalar parbagai pemikiran dan pandapat... ada barsipat panas, suam2 .... yg lain mr. aki kasi sipat lumpat2 pakai ilmu munapik sakajap pakai baju puti dan sakajap palai baju itam cara dia....ini jenis urang pandai untungnya ada ruginya tapi salamat...inda apa inilah dunia. ada bagus, ada panjahat, ada org soleh ada orang toleh....ada urang pangasih ada urang kedekut....pokoknya IMAN saja yg salamat, di balakang diurang ini ada lagi yg kasi main paranan, terima kasi semua yg tarlibat langsung dan inda langsung.

yang kasi duit dan kasi apa2 inda paya kita kasi kurik apa niat diurang...niat ini urusan TUHAN walaupun 1 juta x kita cakap ' saja aku mandarama, menyumbang, buat ini karaja karana ALLAH ' sakali pun kalau sakadar ucapan ini bukan niat.... itu bahasa saja, niat ini tersimpan d lubuk ati murni yg halus baca ihyalulumudin bab ati/niat untuk paham.

mr. aki tingok yg mengantam ini bukan banyak pun cuma 2, 3 urang saja dan urang yg sama menjadi panyarang sajak adanya pos2 barkaitan kota marudu dalam buluk...mereka2 ini urang dalam ruma sendiri. mereka ini biasa makan minum bersama, jalan2 barsama...tapi kalau inda sabar suda dengan parangai mereka ambil saja jalan ini....serahkan mereka pada ALLAH lakukan sambayang malam tiap2 malam...minta keadilan yg seadil-adilnya-Nya ...garanti MAKBUL. bangun tanga2 malam inda sambayang saja inda jadi aaaaaaaaaaaaaaaaaa

KAU MALU KAN ?

Anak ku yg kaya dan barpangkat sarta berbini lawa berkulit licin puti melipak....ruma batu ada akon , petik saja jari balari sagala tukang2 bartanya mau apa bossssssssssssss !!! semua siap sedia...tingal makan, tingal pakai dan barjalan...ko kaya anak ku. Tapi ko lupa mama mu, ko lupa bapa mu, ko lupa sagala-galanya ...watak2 ini agak2nya ada kah ? di dunia ini ? kalau indada 100% pasti ada .... apa pambaca parna nampak kajadian ini, apa pambaca lihat sikap2 ini , apa pambaca berjiran urang ini .... ? mr. aki paparkan pakara ini samata-mat kasi ingat kita urang yg masi ada mama dan bapa supaya jangan buruk2kan mereka....walaupun mereka itu inda cantik, inda insom, inda lawa dan sabagainya...ingatlah tanpa mereka kita indada d dunia ini...BARSABARLAH BERHADAPAN MEREKA. surga d tapak kaki ibu !!!

AMOI Dan Datuk

SIAPA dia ?
kawan2 mahhhhh

AMOI oooooo kasi sandalll sikit2 inda apa2 ooooo tangan lapis juga

Haji Manari ?

SEDI mr. aki baca ulasan2 anon d suara anak marudu... ada yg barsipat manyarang piribadi, ada yg barsipat mengutuk samata-mata, ada yg barsipat mancadang, ada yg barsipat inda puas ati, ada yg barsipat menguji dan macam2 lagi sikap yg hanya TUHAN saja yg tahu niat2 mereka sabanarnya... kapada yg d sarang saranan mr. aki biarkan mereka saja.... dulu lagi mr. aki bagi tau kawan2 jangan layan anon2 itu, dulu lagi mr. aki bagi tau jangan jawap anon2 yang ada...kecuali fakta yg d bantai baru kamu jawap... tapi inda d dengar, inda d amal, inda d pakai pikiran mr. aki... akhirnya ada hasilnya yg amat burukkkkkkkkkk d lihat d komin2 umum. komin demi komin akhirnya timbul parasangka2 kepada individu seola2 dialah yg bacakap pasal haji yg manari itu.....SEDI amat sedi mr. aki dengan parasangka2 itu...walaupun ada kabanaran pasal taguran itu tapi inda hikmah dan inda kana pada tampatnya, maka taguran itu d lihat buruk dan malukakan ati urang lain...pasal dakwah bagus tapi kalau cara palakasanaannya inda bagus maka hasilnya inda kasampaian...patut bab itu datanglah d ruma urang itu bincang2 pasal akhirat...naraka itu panas suruga itu bagus dan sabagainya baru ngam.....lapas itu kalau inda d tarima maka doakan agar atinya d campakkan rasa kasadaran oleh ALLAH baru patut... SARANAN mr. aki latakkan KABANARAN itu d tampatnya.

MARI kita gabung tanaga pulak buat acara dakwah basar2an macam ari keluarga 1tandik agar indada lagi moginum, indada lagi naik dan mamanjat bangunan main siuk2, indada lagi main dadu bin katam, indada lagi main tikam2 nasip .....salapas itu kalau kita suda buat masi ada lagi pakara2 ini maka kita suda talapas kawajipan dakwah, talapas suda tuntutan d akhirat..... sabap suda kita buat.....ingat setiap individu silam wajip mangajak silam yg lain membuat kabaikan.

KOU suda jutawan ?

INI antara urang2 dia yg bakaraja sikarang bos dia DATO haji muatapa kamal maulud al- banyak BINI AL-mulut manis.

koparasi ukhwah awal2 kemunculan dia tuannya datang d sabah dengan cari kawan2 lama....maka barjumpalah dia dengan kawan2 tarmasuk mr. aki...d kasi pindik carita, maka jadilah babarapa janji2 manis pada si pakir, si mualap, si sagala2nya untuk d kasi angkat nama marika, d kasi mulia, d kasi bantu, d kasi merdeka....masa itu menteri koparasi tan ciri kasita gadam urang ranau ( pindik2 tagap tapi berutak galiga............. ) si haji ini pun datanglah d ranau jumpa mr. x untuk cari sikula renda untuk d bagi bantuan sedikit wang dan komputer...dia kasi kabur tan ciri kasita gadam dengan karatas karaja...pokus terbasar kununya sabah....maka luluslah garan koparasi ukhwah bernilai jutaaaaaaaaaaaaaaaaaaaaaaaaaa. karaja punya karaja, atur punya atur maka naiklah nama koparasi ukhwah, naiklah palaburnya, naiklah pandapatannya....las2 naik juga haji punya.....kawin 1 lagi jadi ampat ( cukup korum..dia buli pukul kulintangannya dengan rancak ) nama2 babarapa urang yang tulung dia masuklah sabagai pencukup dan pancantik sagala karatas karaja...kasi pindik lagi carita kali kedua heheheheheeh sikarang dia suda jutawan bin kedakut, kurita dia alamak jangan cakap, ruma dia 4 satu bini 1 ruma dengan kurita....sikaran dia suda dapat DATO..lupa janjiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiii lupa sabahhhhhhhhhhhhhhhhhhhhhhhhhh SILAKA BUTUL

Tambirang dulu

mari kita manganal jenis2 atau pisin2 tambirang.. ilmu ini mr. aki dapat dalam pangalaman dan pambacaan watak2 manusia sajak 20th yg lalu.

Tambirang MATA; tambirang mata ini biasanya lebi tajam dari sindiran kata2 atau tariakan kamarahan...pasal kalau kita d tariak kita suda tau dia tariakkkkkkkkkkkkkkkk kasi kuyak mulut dia...tapi ini tambirang mata sandi pukulannya. biasanya tambirang mata ini pura2 inda dia nampak kita...walaupun d dapan2 mata dia kita duduk atau berdiri, dia limpas2 kita dan pura2 inda nampak kita... dakatnya kita antara dia 1 dapa pun inda, kalau kita cucuk mata dia pakai jari kita alamat sampai bagitulah dakatnya kita dengan dia....mr. aki banyak x terjumpa jenis urang ini, buli jadi kawan tapi inda buli pakai diapunya utak...sikap urang ini dari 100% apa dia cakap hanya 30% yang butul yg lain pungkang..pungkang bukan inda bagus tapi ' ADA UDANG D SABALIK BATU'

AKI oh AKI ?

gambar dari sini ; suara anak marudu

Nampaknya turuk juga panganjur ari keluarga ini d karajakan oleh tukang2 cakap yang masing2 mangaku dari cucu ini kepada keturunan itu...inda apa kalau cakap2 itu mengajar, kasi tunjuk, kasi ngam...ini ada yang manyarang peribadi, menyarang panganjur sama waktu dengannya...adisssss kanapa ini ? barangkali dara2 panglima ini bulum abis keluar...ngamlah itu taruskan kasi kaluar kependikaran kamu, kebaranian kamu yang panting jangan malabi2 pasal yg kamu antam ini dara daging kamu juga...macam tangan dan kaki masing2 ada paranan, masing2 ada kegunaannya, jangan d putung itu kaki atau tangan walaupun ada kasalahan masing2...yg bagusnya kasi ajar, kasi tunjuk, kasi ilmu supaya jadi cantik...ingat2lah yg kamu kasi tumbak dan kasi sopuk itu badan kamu sendiriiiiii.....mr. aki cakap ini bukan pada ari keluarga saja tapi apa2 saja...kalau kamu nampak inda bagus kasi tunjuk yg bagusssssssssssss, kalau kamu nampak dia buat dosa kasi tarik pigi surugaaaaaa...ini baru bagussssssssss

Luuuuuuuu siapa ?

ini gambal dari sini; http://minaq-jinggo.fotopages.com/

LUUUU SIAPA OOOOOOO ? pardana menteri ka, ketua menteri ka atau yb ? ke tiga2 ini rakyat yang bagi pangkat, bagi jawatan, bagi kedudukan... nampaknya mr. aki d cabar dan tarus d sabar oleh kalangan sesama sendiriiii yg mr. aki kanal sekanal kanalnya, yang bukan satakat lubang idungnya mr. aki kanal tapi juga kanal cara di bakantut...antara cabaran barbantuk arahan minta mr. aki buang ini logo radio utara fm dan radio...katanya bikin rusank.

sabulum mr. aki buang radio dan logo....sila bagi alasal 10 pakara kanapa inda buli menurut PEMARHATI@PANTABIR, kanapa inda buli menurut undang2, kanapa inda buli menurut HAK PAMILIK ka ? kasi hurai panjang, kasi bagi alasan yg ngam2, kasi bagi alasan yng inda buli d tulak oleh pikiran....salamat bagi jawapam d ruangan ulasan, untuk kabaikan yg kamu lihat, bukan saja2 kasi buruk2, kasi tudu2...yang tarakhir bilang kanal sama mr. aki sukurlah kanal butul2 jangan main2 agak2 saja....ok atas kabanaran, sila bagi tau pamarhati@pantabiri ini siapa ? apa jenis d TAKBIR .... utara fm ka ?

kalau butul2 pamarhati@pantabir ini datangnya dari utara fm sarta atas arahan tuan punya radio utara fm ( rumputtt ) jangan kata logo dan radio mr. aki mau kasi tinggal sini buluk apa2 pun talak 7 mr. aki bagi...PALUI BUTUL PEMIKIRAN, pindik pikiran, inda nampak kabanaran....baca butul2 pos sya barkaitan utara fm ba...mana HARAMNYA.

Dalam SAM pun mr. aki d cakap itu ini oleh kakawan sepiring seperiuk sikarang d sini lagi......!!! silaka punya parangai. CAKAP kamu tarus tarang ba...kamu angap mr. aki ini KUMINIS, MUSU KAMU ka ? kalau ia ....tarus tarang jangan main tapuk2 alang2 baparangggggg alang2 bersindir-sindir, alang2 berhuja.....!!!

bulum tidur lagi ?

x ini mr. aki becerita lagi pada pambaca yg inda jemu2 ikut tulisan mr. aki yg inda sabarapa bagus cara panulisannya..kalau ada kabaikannya maka ambillah dan kalau inda bagus maka kasi buanglah .. kasampatan ini juga mr. aki minta maap pada kamu semua, mana tau inilah pos terakhir mr. aki salapas tidur pagi ini dan inda bangun2 lagi....

Alab ?

Alab pun bukan...sina pun bukan... malayu maliiii oooooo ingat lagi ka tajut lagu ini ' siapa bilang gadis malayu inda lawa ' tatap ingat ba kan ? masa anugara dua malam yg suda d tv3 tarpukau kita panampilan arti2 malaysia... yg bertemakan 1001 malam, maka artis2 pun pakailah ala2 arab....yag inda pakai tudung salama ini pakai, yang inda parna pakai purda salama ini pakai, yg inda parna pakai sungku salama ini pakai.....pokoknya pakaiiiiiiiiiiiiiiii, semoga masa akan datang punya anugara bertemakan ' islamik' semua wajip pakai tudung malam itu....lapas itu adakan caramah 15 minit sabulum anugara... kasi naik kasadaran, kasi naik iman..ingat mati kita bukan harta kita d tanya, muka cantik kita d tanya, pangkat kita d tanya....yag d tanya amal soleh kita, amal bakti kita, amal kabaikan kita d tanya...MARI kita tanya diri kita pulak, barapa banyak amal soleh kita aaaaaaaaaaaaaaaaaa !!!

Lantak Paku ?

gambar; http://dun-n5-tandek.blogspot.com/

kalau d sabah parkataan ' LANTAK' itu biasa d dengar... sabagai contoh; lantak ko lah atau lantak kamu lah .. ungkapan ini kaluar bila kita malarang seorang itu berbuat sesuatu yg inda bagus...tapi lain pulak yb. anita baranting ini, yang malantak paku sebuah jambatan kampung d kawasan dia siniiiiiiiiiiiiii kota marudu. ini barulah yb pandai malantak....banyak pangajaran kita dapat dari gambar ini bukan ? d alam maya ini buli dan bila2 saja kita malantak ikut suka kita urang.... tapi ati2 paku yg kita pakai itu bakarattttt atau paku tumpul aaaaaaaaaaaa sampai bila2 pun inda malakat d papat atau baruti yg kita lantak....apa lagi jenis kayu itu mimang karassss macam balian.....jenis ini ada dalam masyarakat yang karas kapala, karas ati, karas talinga....jenis ini inda masuk ajarrrrr , inda masuk tarbiah..... jadi tingalkan sja jenis ini, bikin abis karan...!!!

Main siuk2 buang ?

ini munyit jenis idung panjang dan kira munyit yg paling insom antara munyit yg ada d dunia... kelibihan dia idung yg mancung, parangai munyit2 ini sama saja munyit negeri dan luar nagara. munyit indada akal, indada kamaluan, indada tamadun pokoknya yang ada ' membiak, makan minum dan mati' matinya ada yg kana timbak d buat lauk, mati kana jarat, mati d sumpit dan sabagainya.... KAMALUAN indada kalau dia mau malantak..ikut suka dia saja, kanampakan ka apa ka inda dia paduli...tapi ada juga jenis yang barakal mangalakan munyit...masa dia malantak tapuk2 tapi masa kaluar kanampakan sana TUNG SAMPA, D SURAU, D PINTU RUMA ampai2 manangis atau ampai2 MATI .... sikap ini mangalakan muyitt, anak dia inda kasi ampai2 tingok dalam tv munyit sayang anak dia... Main suik2 buang sanang2 ( MANUSIA atau MUNYIT ? )

zam-zam alakazammmmmmmm

gambar ini darisini; http://minaq-jinggo.fotopages.com/

d langkawi ari ini manjadi tumpuna dari palbagai nagara dan peralatan yg d kasi pamir ini bukan alang2 ..... malaysia sabagai taun ruma, pastinya mandapat untung dengan kabanjiran para palancung, taikun2 , para jutawan barkumpul d sini....yang barakal pastinya untung basar, buli jadi kaya raya, buli jadi jutawan, buli jadi tarkanal dan sabagainya..... d sini juga ada pertampuran sarap, pertampuran pikiran, pertampuran setertigi, parkambangan pangaruh kuasa dan membubut NO 1 tatap punya....ringkasnya semua ada baik dan buruk tatap juga ada. disini juga ada udang d sabalik batu, d sini juga ada mata2 ...... cukup ini saja pandangan mr. aki pada pambaca..... yanag tajak pikiran, yang tajam mata pasti paham cakap mr. aki ini

ini jawapan mr. aki

3. EMM siya kanal ko mr.aki..ko DJ d utarafm jua tu kan..kan.. hihihi
Details
2009-12-03 1:44 PM
#
2. EMM bagus buka ini redio dan segala logo utarafm di sini owh mr.aki...menjajaskan
Details
2009-12-03 1:41 PM
#
1. EMM Mr.aki ni bikin HANCUR nama UtaraFM sija
Details
2009-12-03 1:40 PM
#

Ini jawapan mr. aki sama ini saudara EMM ..... no. 1; EMM bilang kasi ancur ini utara fm barkaitan tulisan mr. aki d bawa ini.... pasal emm nampak tunggang, kenaikan, keuntungan mr. aki paham...mimang kasi hancur kalau d latak atas kahancuran....tapi kalau d kasi latak d atas kabaikan ' MANANG atas MANANG ' inda hancur bah kan ? dalam dunia ini indada pakara yang inda mau kenaikan, keuntungan dan yg sama waktu dingan dia....kalau ada bacakap KASI TIDAK pandapat mr. aki ini alamat urang itu inda jujur diri sendiri. ( kalau mau tau lagi d mana keuntungan dan kamanangan semua pihak..... buli bah panggil mr. aki bagi carama pasal ini )

no. 2 ; EMM suru mr. aki buka ini radio dan logo ini utara fm..... pasal apa ? adisssssss butul2 pandapat emm ini pindik ooooooooo buka ini radio dan lambang inda sampai 1 ari mr. aki buli buka bah kalau itu saja.....tapi radio ini kan milik pandingar, milik kita urang semua...mr. aki inda nampak berdosanya mr. aki simpan ini radio dan logo .....yag mr. aki nampak utara fm ini untung ada lagi....pasal ini buluk mr. aki banyak bah kawan2 yang masuk mambaca d sini ... walaupun bahasa mr. aki buruk2 ..... jadi ada keuntungan bah kan ?

no. 3 ; EMM bilang kanal sama mr. aki ....... sukurlah kita ini rupa2nya barkawan, dan mr. aki kanal juga emm bah dari mana siapa.. jadi mr. aki bertarima kasi pasal emm kanal mr. aki.

lida diurang ini tajam ingat2 kamu aaaaaaaaaa

BARITA INI D AMBIL D SINI; http://utarasabah.net/index.php?option=com_content&view=frontpage&Itemid=1

Pertemuan ringkas antara pentadbir 1SABAH.NET/Utara.FM dan pemimpin belia Sepanggar iaitu Encik Mohd. Joh Hj. Wid pastinya akan memberikan satu dimensi baru dalam memantapkan gagasan 1Malaysia di Sabah. Perbincangan tersebut yang juga dihadiri oleh beberapa AJK 1SABAH iaitu Wady, Aldusuni dan Kupang menghasilkan satu keputusan untuk saling membantu dalam merealisasikan perpaduan khususnya di negeri Sabah ini. Beberapa cadangan juga dicetuskan untuk tindakan susulan.

Kalau urang lain nampak ini utara fm buli jadi kawan, buli jadi tanga, buli jadi kapal tarabang, buli jadi pantas ....untuk tujuan kenaikan diri, pulitik, parniagaan, kakayaan dan sabagainya kanapa urang sabalah ruma inda nampak ini barang ? buta mata atau buta ati....atau andang2 inda mau tau, bah kalau kedudukan inda mau tau inda apa yang panting jangan banyak cakap aaaaaaaaaaa itu mulut jangan kasi kuyak itu mulut bacakap macam2 ..melebi urang yang pandai dari yang pandai... x ini mr. aki mau cakap lagi pasal utara fm pasal mr. aki simpati butul2 diurang ini yang banting tulang buat macam2 karaja urang lain.....namun indada juga kamasukan, yang ada kebucuran kaluar diut sendiri....tapi yang budu butul ada juga urang balik2 bacakap macam ini '' kita buat ikhlas saja '' adisssssssssssssssssssss macam kita ini budu butul pasal ilmu bab ikhlas ini. mr. aki bacakap ini atas lantai kanyataan bah.... ada karaja ada gaji, ada baras kanyang, ada duit dapat bali kurita ...butul kan ? inilah hukum maksud mr. aki pasal dasakan mr. aki ini pada yg inda nampak........ barsambung maksud mr. aki ini nanti.

Lagi2 DOA

GAMBAR DARI SINI http://minaq-jinggo.fotopages.com/

sikarang ini suda subu d sabah...ba mari kita sambayang dulu aaaaaaaaa barabis kita berdoa minta ampun sagala dosa2 kita yang bertimbun-timbun....supaya kita salamat dari naraka, salamat idup kita dunia dan akirat...tapi barapa ramai urang silam yang sambayang agak2nya ? banyak yang inda sambayang kan ? kalau ini macam, bagai mana dosa2 kita d ampun kalau ini macam....bangun pun inda. mr. aki pun barabis juga malawan supaya dapat bangun ba ini ...kalau dapat bangun pun ati masi malayang2 inda katantuan...apapun mangarap saja rahmat tiap2 kali sambayang ini...APA DOA KITA PAGI INI aaaaaaaaaa ? minta kaya, minta salamat, minta lulus peperiksaan, minta lulus purujik, minta bini....dan minta macam2 lagi...ba mintalah yang panting bagus2 punya. AMIN