Kabal atau Babal ?

Undang2 inda sama mangkali ? atau ada utak udang d bawa batu ...

Kurita2 ini bukan d jual aaaaa tapi tungu masa d kasi bagus oleh tukang buat kurita. Kamu urang nampat kaa ? urang dakat2 luri basar itu .... tuan dia punya kurita mangkali itu, pasal ada satu urang lagi d bawa luri sadang bikin. Yang bikin inda masuk utak kurita2 ini ada saja tiap2 ari... kalau bukan 10 , 20 labi tarmasuk motor...dan suda bartahun-tahun kajadian ini barlaku. Inda pulak d kasi saman oleh MDR atau Pulis Ranau... apa agaknya ilmu tuan kaya tambirang ini pakai ? sampai batraun-taun dia buat ini karaja... sampai rumput mati, tana macam tampat karabau barkubang suda gara2 kurita barsusun... Cuba kamu urang Ranau cari jawaban ...? kanapa wakil rakyat diam2, kanapa pagawai perlesinan diam2,kanapa JKR diam2, kanapa pulis diam2, kanapa urang kampung diam2.......

bangkal ini ada KABAL atau BABAL mana satu ? atau memang andang2 cara d Ranau punya undang2.... kalau d tampat mr. aki lain pulak...

Sampai itu kurita paking d dakat pintu sikula ini