Bisuk 3 tempat kita urang sama2 tau siapa menang dan siapa kala, calun2 yg bertanding. Yang manang tersenyum, yang kala menangis abis duit bikin balanja... apa buli buat kamu sendiri yang mau bartanding. Mr. Aki inda talampau pikir ini pilihan raya, pasal suda banyak kawan2 yang tulis berkaitan pilihan raya d perak, kedah dan sarawak. Apa yg Mr. Aki mau tulis barkaitan kota marudu yang terkanal daerah paling2 mundur bin katingalan ( daerah musikin ) d malaysia, walaupun MP dia menteri panuh d kuala lumpur tapi inda juga dia kasi buat parubahan... bikin hairan butul... kalau d katakan dia inda pandai berpikir inda patut, pasal dia seorang duktur kelulusan luar negeri bah.
Jadi kamu urang yg pandai2 pikir2lah apa yang patut d buat, bagi daerah kita masa akan datang... Jangan balik2 kumpau kita urang, suda banyak kali kita urang d cucuk2 edung, macam karabau ... Mr. Aki yg suda tua ini minta maap saja masa akan datang kalau dia juag jadi ayam sabung. Ini baru bikin pambukaan Mr. Aki punya ‘ taling ‘.... kamu urang ingat saja. Ok lah aaaaaa datuk ingat2 kasi maju butul ini kota marudu.Sabulum pilihan raya akan datang,kalau panas talinga kou, bah apa buli buat tahannnnn saja, siapa suru inda buat karaja bagus2.
YB ko di Kota Marudu sibuk pasal mahu pigi bulan bah...hehehe...semoga suara mereka diberi sepenuh perhatian oleh kerajaan BN...Jangan sampai rakyat bersuara!!!
BalasPadamSalam Transformasi...anak Sabah @ KL
http://warisantamar.blogspot.com
Salam Aki, kamik sukak bah ko punya taling - tapi kitak urang ni talingong inda pandai sadar - balik-balik kana cucuk idung.
BalasPadamnah kou aragang tandik .. itulah bah urang2 kita masi banyak idung diurang d kasi tarik2... tapi mangkali inda banyak suda itu.
BalasPadam