"وَمَا هُوَ بِقَوْلِ شَاعِرٍۢ ۚ قَلِيلًۭا مَّا تُؤْمِنُونَ
dan Al quran itu bukanlah perkataan seorang penyair. Sedikit sekali kamu beriman kepadanya." (QS. AL HAAQQAH:41)

SINI KAMU URANG

Selasa, 23 Februari 2010

kali ini ikan makan ko ?


inda tau pesta apa manusia2 ini....inda puas berpesta d darat mau buat atas air pulak, manusia mimang inda parna puasa dengan apa yang ada...inilah kegunaan iman, iman saja buli mangawal tinak tanduk manusia. itu makanya Allah utus nabi untuk memberitahu undang2 d dunia...tapi kalau yang jajal inda mau ikut kata2 Allah maka inilah kajadiannya...!!!


yang masi idup macam indada parasaan...


x ini ikan makan urang....mati batalanjangan nasip ANU2nya d tutup masa barmaksiat.

matikan juga kita ? jadi kanapa sumbung, kanapa inda beramal ? kaya kah kita apa kah kita itu semua inda buli buat apa2 masa kamatian..yang barguna adalah amal soleh.


jangan kita urang pikir kita saja yang mau makan......tingok ikan pun sanang2 balasa kitaa manusia dengan giginya.


kalau kita pikir... kita saja hebat yang lain indada guna, maka kali ini lihatlah.... tapi ingatlah, ada lagi yang hebat dari kita sabanarnya.

Butak Licin



Raja sagala raja buluk malaysia yang mulutnya tajam bagaikan tumbak, menimbak siapa dia suka...pintarnya bukan alang2 tapi kalau pintar saja inda tarkawal oleh iman dunia rusak ini dunia...pikir2kan.



di sikarang ini d bubut oleh kasalamatan...licinnya macam kapala butaknya, mungkin sampai mati dia ini inda kajumpaan pasal dia suda tua....ikut hukum, dia inda lama lagi mati.

Isnin, 15 Februari 2010


http://minaq-jinggo.fotopages.com/

Ahli Parlimen Bayan Baru, Dato' Seri Zahrain Mohamed Hashim hari ini mengumumkan keluar dari Parti keadilan Rakyat setelah kecewa dengan pengurusan tertinggi parti. Beliau melahirkan rasa teramat kecewa dengan janji September Sixteen yang tidak menjadi.

Mr. aki - aku mau kaluar dari pkr apa ko tau ? inda manahan suda ni .....inda apa kalau saya saja ini rakyat bah, masti d kasi paduli...mangkalilah cakap dia itu macam. Pandangan mr. aki pasal suara2 mereka ini, siapa suru dulu inda pikir ? kata2 ust. nababan dalam malatakkan kabanaran...katanya; kalau yg indada utak masuk silam itu inda hairannnnn tapi kalau yg masuk silam itu barakal bikin hairan....dalam kabanyakan mereka yg masuk silam karana berakal. Paham bah kan kata2 ini.

Rabu, 10 Februari 2010

Aku, kau dan kita semua sama ?

siapapun kita, inilah tampat kita...dalam tana, cacing dan sagala2 yg dalam tana makan badan kita, d sini panamat pertama kehidupan, aduiiiiiiiiiiiiii banyaknya dosa2 ku, banyaknya kajahatan yg aku buat, sedikit masa untuk beribadah. sajak 2, 3 tahun kabalakangan ini...aku salalu terbayang2 kamatian ku...ampunkan dosa2ku ya...allah. mata tua ini salalu manangiss, pikiran juga manangis, hati juga manangisss, pasti satu saat aku mati...!!!


kamatian macam2 cara yg allah takdirkan satiap hambanaya...ada yg kana langar, ada yg bunu diri, ada yang tarjatuh pokoknya macam2 cara. ati ketika ini butul2 aku d bawa memikirkan kamatian. ampunkan dosa ku ya...allah.


semoga ruh yg maningal ini mandapat keampunan allah.

Sabtu, 6 Februari 2010

Menjubur ?


Butul2 kes c anuar ini inda pandai abis2 dan panamatnya...siapa manang/siapa kalah masi bulum terjawap oleh makamah dan perubatan. sama ada anwar ini menjubur lubang pantat2 berkaitan atau sakadar cerita pulitik...saipul ini pulak inda abis2 mangaku lubang pantat dia bilang kana paku barang c anuar....rakyat malaysia bingung. ada yg sukung anwar, ada sukung saiful, ada yg inda sukung, ada yg meluat macam2 lagi.

Urang bilang indakan pukuk berguyang kalau indada angin..ini butul, pukuk inda berguyang kalau indada angin atau inda d kasi guyang. sapatutnya sabagai urang silam c anwar dan c saipul pigi makah bah munajat minta keadilan atas kezaliman d antara mereka berdua...tatap, pasti nampak siapa butul dan menipu....!!!!

tapi kalau pigi sana mekah inda ikhlas indada guna juga, pigi sana inda yakin indada guna juga sama juga agama silam tapi inda sambahyang, agama silam tapi inda ikut ajarannya indada guna juga. BANYAK URANG PERCAYA TAPI SEDIKIT YANG YAKIN

Jumaat, 5 Februari 2010

Jahanam KO 2


Dunia sikarang suda jahanam, sial dan inda tau bahasa apa lagi mau d pakai...ini semua perbuatan tangan2 iblis, hantu yang bertupingkan manusia..lihat sja gambar ini yg mr. aki kupi dari buaya merah, masa main sadap2 bukan alang tersanyum puasa ati, macam dunia ini dia punya masa dia malantak pakunya....namun bila suda menjadi anak, dia ini plk sanag2 membunu anak dia.....dunia ini akan tabalik d tangan2 haran, jika agama inda d perjuangkan, inda d amalkan....mr. aki perang kajahtan !!!

Khamis, 4 Februari 2010

jahanam KO


para pambaca tantu mangamuk malihat gambar ini bukan ? tapi tau ka kamu gambar2 macam ini balambak d mana2 d internit, jadi jangan mara pada mr. aki

gambar ini pada mr. aki sial, kala2 binatang...bagus mampus masa kecik2 dulu, kapala d tutup, d bawa d buka abis2an untuk d garadak...SIALLLL inilah akibatnya bila mana agama hanya pada nama saja. Mari kita kutuk kajahatan..!!!

Rabu, 3 Februari 2010

Dunia Parjuangan

Gambar atas bawa ini kawan mr.aki diurang ini sama2 dalam dunia parjuangan... d tatak, d bujak oleh macam2 cakap d kalangan kawan2 sendiri..inilah parjuangan, rasa ini inda dapat d rasa mereka yg inda bargalangang mana2 parjuangan. Bumi mana inda kana hujan, bumi mana inda kana ujian ? butul jugaaaaa bah. pasanan mr.aki mana2 pajuang ambillah sikap ini;

1. inda sama pikiran dan pulitik inda apa...tapi mari kita kasi sama2 latakkan kayakinan kita pada Allah dan Rasul butul2 jangan ada karaguan walau sabasar habuk.

2. mari kita sapakat dan sapandapat bahawa naraka dan suruga itu adalah taras rukun iman yg kalau ragu iman kita inda sah.

3. mari kita ikat ukhwah atau parsaudaraan kita atas dasar pakara ini d tanya oleh malaikat saat kita dalam kuburan...inda d tanya adik baradik kita barapa, siapa bapa dan mama kita..tapi yg d tanya, siapa saudara kamu....?

4. bacakap banarlah kita...tantang kabanaran dan tantang kapalsuan.

5. barabis mana pun kita barjuang jangan lupa sambahyang...indada guna parjuangan kalau ninda sambahyang.


Klik player di bawah untuk mendengar siaran CAHAYAFM