Urang Bukit

Bah kita jumpa lagi aaaa, kali ini sia mau carita kamu urang pasal kampung sia d bukit. Supaya kamu urang tau keidupan kamik, urang bukit macam kamu urang juga yang tinggal d tana rata atau d pekan2 dan bandar. Makan nasi juga, Cuma dulu2 kamik makan ubi, jarang jumpa beras pasal kamik urang indada sawa padi macam urang tana rata... kamik urang tanam padi bukit setahun sekali saja, itupun kalau jadi padi kamik.. buli bertahan setahun buat stok ( ubi + beras ) tapi itupun jarang2 kecukupan. Mau tidak mau kamik pigilah minta kasian urang2 tana rata “ Tumalad “ mengatam padi diurang. Dapatlah kami padi cikit2 , padi itulah kami sikut bawa pulang naik bukit bikin kasi idup kamik. Tapai sangsara jugalah, manangung malu di sindir2 oleh mereka ini... apa buli buat mau idup. Tapi sikarang sukurlah pada Allah idup kamik baruba sedikit pasal kamik ada tanam gata... waktu araga gata naik dapatlah kamik kumpul duit, yang basar kabun gata diurang dapat membali kurita, motor, basikal... jadi urang tana rata inda buli tambirang suda sama kamik. Pasal karaja kamik buli d katakan antara manusia yg abagos – RAJIN- mangalakan sebahagian urang tana rata. Bah cukup dulu panganalan keidupan kamik urang bukit aaa lain kali sia sambung carita kamik ...