DOA

sajak kabalakangan ini surat kabar kasi papar pasal kanyataan NIK AZIZ pasal doa yang dia bilang pada najip dan karajaan...maka banyaklah urang bagi ulasan dengan macam pandapat, antaranya nada mara2, nada suka, nada tanga2 suka pun inda mara pun inda...yang mara2 tataplah urang2 kanan dan kiri pm...mara pasal bos dia bakal kana doa oleh nik aziz , yang inda suka umumnya urang2 umno pasal ketua dia kana doa, yang d tanga2 tungu dan lihat saja sikap kedua bala pihak... ini pandapat mr. aki pasal doa nik aziz....barabislah dia angkat tangan sambil manangis minta pada Allah kasi jatu najip dan kasi hancur karajaan dia kalau ALLAH inda kasi kabul apa mau takut ? barabislah dia sujud siang malam kalau Allah inda kasi kabul apa mau takut ? barabislah dia sambayang hajat kalau inda d kasi kabul oleh Allah apa mau takut ? RINGKASNYA kalau kita jahat mangalakan panjahat barulah kita takut doa dia d makbul...kalau kita zalim mangalakan piraun baru kita takut doa diurang...kalau kita inda adil memarinta barulah kita takut doa diurang d makbul.... tapi kalau rasa inda adil, panjahat, zalim dan sabagainya barulah rasa takut itu ngammmmmmm jadi mana satu kedudukan kita urang ?

tarikkkkkkkkkkkkkkk

GAMBAR dari sini; http://romoumatodagai.blogspot.com/

kalau mau bagi, bagilah bah....jangan main tarik2 tali. kalau ada bagiu tau ada...kalau indada bagi tau indada... inilah sikap satanga urang2 koprat, urang2 pulitik..mulut bilang ok bah indada hal LULUS...tapi GAGAL mangasi, kalau ada pun d kasi tingal ikur2 ..yang isi suda d talan olah urang pangarapannya...TOL dia bilang, campuir TUYUL BUTAK pencuriiii lagi sandi butul. inilah ragam yang barlaku d dunia diurang...inda parcaya cuba kamu masuk dunia ini....jadi ringkasnya ini macam saja bah.....kita tarik diurang masa mamangka ( ini macam x ) jadi kapada anda yang bulum mandaftar itu capat2lah mandaftar supaya buli kamu tarikkkkkkkkkkkkkkkkkkkkkkkk tali

jahanam oh jahanam

Malang bertimpa wanita mualaf

Oleh TURMADZI MADUN - KOSMO

SEBUAH rumah di Menara Grandeur di Pandan Indah yang dijadikan tempat seorang wanita mualaf dan anaknya dikurung sejak 20 November lalu.

---

AMPANG JAYA - Malang berganda bagi seorang wanita mualaf yang cuba mendapat perlindungan selepas diabaikan suami apabila dia kemudian menjadi mangsa kurung, pukul dan rogol oleh seorang lelaki yang menabur janji untuk membantu menyelesaikan masalahnya.

Lebih mengejutkan apabila perbuatan kejam dan keji itu membabitkan orang kanan yang didakwa menguruskan Persatuan Mualaf Cina yang ditubuh sendiri.

Mangsa dikurung dan dijadikan mangsa pemuas nafsu seks kepada lelaki itu selama seminggu sejak 20 November lalu.

Persatuan Mualaf Cina terbabit tiada kena mengena dengan Persatuan Cina Muslim Malaysia (Macma).

Kisah sedih mangsa mualaf berusia 28 tahun itu bermula apabila dia bersama seorang anak perempuannya yang berumur lapan tahun telah pergi ke pejabat persatuan itu di tingkat tiga Menara Grandeur, Pandan Indah di sini pada 20 November lalu.

Hajat mangsa untuk mendapatkan perlindungan dan bantuan daripada persatuan itu selepas mendakwa dia diabaikan suami yang dinikahinya sejak sembilan tahun.

ULASAN MR. AKI; indada bahasa yang dapat mr. aki cakap malaingkan jahanan, antu, pulung, babal dan sagalanya ...atas parangai urang yg barkaitan ini,talah berkali-kali suara mualap sabah bacakap pada pihak karajaan agar malantik seorang senator bagi kaum mualap...tapi inda d dengar, inda ambil parhatian...sadangkal gulungan oku, artis, urang asli ada senator ...kanapa gulungan mualap ini indada hak ka ? atau indada keuntungan pulitik ?

sumandak SABAH

Siapa bilang sumandak ( gadis ) sabah inda lawa...inda bikin baliur, inda bikin barsamangat, inda bikin mangagar jantung, inda bikin layu.... tau inda apa. dulu2 samananjung pikir urang sabah yag bagalar dusun tingal d atas puku...sandi butul pahaman diurang, kasandian karana diurang inda datang sini sabah bah...inda kanal 1malaysia.... banyak guru2 laki2 samananjung mati dan idup d sabah karana tarkawin sumandak2 sabah...cinta oh cintaaaaaaaaaaaaaaaaaaaaaaaa, bagus jugalah supaya banyak anak campuran...lebi lawa lagi.

artis bayannnnn ....mr. aki gambira juga, cuma pasanan mr. aki jaga diri kamu anak2 ku....jangan jual itu2 ......demi mau capat kaya, macam si supiah yg jadi palacur sana luar nagara...manusia paling pintar d malaysia satu masa dulu....sikarang pintar juga tapi jual 'TONDOM' yang kaya2 tatap saja mati 1 malam. ingat2 kamu aaaaaaaaaaaaa anak2 sabah yang ada rupa dan nama. bikin malu sama bangsa, bikin malu sama bapa kamu...!!!

ini pulak RATU jagungggggggggggggggggggggg adissssss kamu ini, gatal bah itu pakaian kamu itu kana itu miang jagung.. jagung oh jagungggggggggggg

saja ko terkorban karana ?

saja aku ......!!!

GAMBAR DARI SINI; http://minaq-jinggo.fotopages.com/

ari ini suda masuk 2 ari kita urang sambut raya haji. Karabau, sapi, kambing dan unta banyak terkorban oleh tukang putung...ada yang kasi korban 1, 2, 3 dan pulu2 ekur, yang indada cukuplah niat saja pun dapat pahala muda2an taun dapan manjadi kanyataan niat itu...jangan langsung indada niat, tapi banyak urang yg inda tau pakara ini...karana lupa dan inda tau gara2 buta ilmu...kasiannnnnn. mr. aki alhamdulillah dapat juga raya aji sama2 urang kampung...Taun dapat jangan lupa pasang niat aaaaaaaaaaaaaaa ' saja aku buat korban karana ALLAH ' ini saja niat inda panjang bah... tapi yg lucunya ada juga kawan2 yang kana korban gara2 d tipu oleh penipu... bagi duit parcuma karana cinta d alam maya, kamu tingok utusan malaysia ada cerita ini...sandi butul. inda tau d mana simpan itu utak !!! bukan seringgit pulak itu pulu ribu ooooooooo kalau mau kawin butul2 cakap saja bah kan? ini jual mahal, pura2 inda mau kunu...macam2 alasan lagi. SALAMAT PANGANTIN BARU bagi mereka yang baru kawin. sadap kan kawin heheheh ?

mata buta inda buli nampak

gambar dari sini mr. aki ambil; http://minaq-jinggo.fotopages.com/ banyak suda mr. aki ambil gambar2 d sini ... tarima kasi aaaaaaa tuan

walaupun kakinya kudung tangannya inda kudung buang undi kan ? kalau kudung pun tangannya atinya inda kudung untuk mangundi bukan ? jadi kapada yb2 dan mentiri2 tingok2lah nasip urang2 macam ini bah.... kasi diurang kabajikan, kasi diurang tulung apa2 kaparluan diurang...kasi kurban jawatan kamu butul2 untuk rakyat, untuk agama, untuk nagara...kamudian bila2 masa kamu buat lawatan d mana2 kalau kamu tarnampak urang2 macam ini, kasi palinglah muka kamu pada diurang...jangan pura2 inda nampak, pura2 sibuk basalam urang2 yang ada tangan dan kaki....lihat TPM punya gambar, apa dia buat....!!!

Salamat Raya Haji

aku suda tua....kamu bagai mana ?

pada kasampatan ini mr. aki mangambil kasampatan mengucapkan salamat raya haji kapada semua urang silam yang inda jamu2 membaca buluk mr. aki yang inda sabarapa ini... dalam kesibukan kita memutung sagala korban jangan lupa korban yang sabanarnya....kita sendiri bakal d kurban oleh kematian bila2 saja....sabantar tadi masa mr. aki dalam parjalanan pulang untuk sambut raya haji, ada 2 kurita lori angkat papan dan angkat kurita balangarrrr....hancur itu kapala angkat kurita....manakala yg angkat papan tabalik juga hancur itu kapala, mr. aki lihat bikin manakutkan....kedua-dua pamandu mati serta marta. inilah titik akhir kehidupan kita urang ' KAMATIAN ' jadi korban jalan raya namanya....ati2 pada panguna jalan, kalau suda ati2 barlaku juga itu suda takdir....banyakkan baca doa, banyakkan ingat Allah, banyak minta ampun pada Allah setiap masa .....ba itu saja aaaaaaaaaaaa jangan lupa pada pakir bagi daging kurban kamu urang.....AMPUN MAAP DARI MR. AKI.

Siapa Terkorban ?

bisuk urang2 silam akan putung sapi, karbau, unta dan kambing dan sabagainya.. karana raya haji, maka banyaklah urang2 yang kaluar bergaya bersungko, berkupia, berbaju malayu dengan macam2 pisin...kanapa mr. aki cakap ini macam pasal ada jenis urang mcm itu....satahun saja pakai baju malayu dan sungku..masa2 lain haram baginya, itu silam pulak itu....pada manusia ini sadar2lah bah mati ko inda lama lagi pun ..yg buat korban itu buatlah bagus2 aaaaaaa biar korban kamu itu mulia d sisi ALLAH. SELAMAT RAYA HAJI

Utara Fm Bakal ke angkasa ?

angkasawan nagara barsama dj. rumputt
kalau dulu indad siapa parna pikir utara fm ini akan malangka sebigini jauhhhhh...jauh bukan karana ada duit berjuta-juta atau adanya bangunan malangit, adanya kalangkapan canggih mangalakan RTM, TV3, NTV7 dan yg lainnya... jahunya karana utara fm samakin d kanali oleh pendingar, pemimpin, ngo, saintis, prof dan sabagainya...buli d katakan semua lapisan masyarakat kanal utara fm.. pandingarnya juga suda ada yang tahap panatik, indada lagi radio lain malaingkan utara fm. Karaja siapa ini ?

1. tuan punya ( pangasas utara fm )
2. adanya urang2 jadi tiang,antaranya para parancangan, para pakarja suka rilaaa (indada gaji ), penyumbang/panaja yg terdiri dari urang2 perseorangan, dj2 , pendingar dan urang2 d sabalik tabir ( secara langsung atau inda langsung )

mr. aki meningok ini utara fm dari dakat sampai kapada meningok jauh2 , cuma saja kenaikan ini masti d susun, d atur, d kasi kamas, d kasi cantik ...inda buli lagi d latak main suka2, main hobi2, main hiburan2 saja...mau inda mau masti masuk d galangang KOPRAT....bukan kaparat aaaaaa pakara ini inda buli inda kana masuk...pasal yang terlibat d utara fm ini banyak yang indada karaja, barbanding yg bakarja...diurang pun mau makan, diurang pun mau kawin, diurang pun mau sanang.... jadi utara fm kana pikir ini dengan cara tanang2 saja...jangan main panas2, jangan main sindir2, jangan main kira2, jangan main2 ..... DALAM PIRASAT MR. AKI UTARA FM INI AKAN NAIK D BULAN INDA LAMA LAGI !!! suda barsadia ka naik d BULAN ?

oooooo Baru aku Tau

mangkali itulah dalam kapala max ini bila bigang baju utara fm....atau suda tau tapi pura2 inda tau, lantak kou lah max...yang panting sikarang adalah kau pikir apa yang patut kau tulung dengan utara fm ini....jangan pikir angkasa raya saja, jangan pikir pigi bulan saja...pikirkan juga hal2 d bumi yang panu dengan manusia yang papa kadana... kau itu menteri panuh bah, tapi bikin hairan butul2 banyak palawat dari daerah laini masa pesta jagungkan....mancari jagung tapi diurang mangalu abis2an pasal inda kejumpaan jagung yg bertimbun-timbun dan bibit2 jagung.....mr. aki sendiri pun hanya nampak jagung sana garai MOSIT itupun banyak lagi d tepi2 jalan...inda kanampakan pesta jagung.....jadi pesta apa yg layak d bagi ini bandau aaaaaaaaaaaaaaaaaa ? yang terpigi d kundasang/ranau pesta kubis dan durian...itu baru butul2 pestaaaaaaaaaa...bikin malu butul adapun jagung yg basar sana padang bukan d makan.

masi ka ko ingat ?

WITROM BAH NAMA DIA INI

GAMBAR DARI SINI; http://romoumatodagai.blogspot.com/

tuan katua bahagian UMNO kota marudu, sabah... mau tanya dan kasi ingat saja bah, bila kunu bantuan membali peralatan radio utara fm untuk dj. rumputtt itu aaaaaaaaa taun dapan ka 2010 ? atau suda lupa2 kalau lupa ini mr. aki kasi ingat ini....kalau inda mr. aki nampak itu surat masa raya inda bah mr. aki cakap ini....kasian utara fm sana pitas, semua peralatan d pinjam2 yang ada talian saja..yg lain 90% d pinjam oleh si rumputtt. c bolkia dan c rahim pun inda mau tingok garai tampat bersiaran....cilaka kasut tinggi jatu sana jambatan tamparlari, pada hal kalau diurang bantu alamat nama kamu juga d julang2 sampai d langit.....bukan d langit surga aaaaaaaaaaaa surga masing2 punya amalan kasi tantu...iman bah, paham juga kan. KASI SAPAT2 AAAAAAAAAA MANGASI DAN JANGAN MAIN WAKIL2 TARUS BAGI DJ. RUMPUTTT sanang carita

Nasib si labu labi

dua urang ini butul2 bagus nasip....c bolkia timbalan menteri karajaan sabah dan yang satu lagi c rahim juga timbalan menteri pusat...patut ini pitas aaaaaaaaaaa mambangun laju mangalakan daerah2 lain d sabah, tapi susa mau d cakap... paling2 pitas d kanali sabagai medan memburu sanaaaaaaaaaaaaaaaaaaaaaaaa paitan sampadan baluran dan pitas....yang lain2 inda paya mau d carita, kamu pigi saja sana pitas....apa ada, tingok sendiriiiiiiiiiii dengan kapala mata kamu urang. kalau mr. aki jadi menteri alamat pakan tandik jadi mini bandar, kota marudu.....ini tahi sapi saja yg malakat sana simin kadai.

haji oh haji

http://minaq-jinggo.fotopages.com/


istadi ko tun....apa ko lagu ? adisssss napa bah ko ini samakin tua samakin menjadi-jadi....bini inda pakai2 tudung, pigi umrah inda tau barapa x suda...sadar2lah bah inda paya lagi ceramah sini sana...bagilah pemimpin2 lain uruskan nagara ini, geliran ko suda berlalu cukuplah itu...patut masa ini banyakkan ibadah, banyakkan amal, banyakkan karaja2 agama ....pasanan ini bukan saja pada tun aaaaaaaaaaa semua kita yg suda dakat2 mampus ingat2 lah 5 pakara sabulum datang 5 pakara .... tapi nampaknya tun inda lah miskin sabulum papa, dia kaya tarusssssssssssssssssssssssssss. pikir2kan manjalang raya haji

Guru Mr. aki

siapa inda kanal manusia ini ? semua urang kanal kan...inda paya d carita siapa dia ini, yg mr. aki carita dia ini antara guru mr. aki tahun 80an sampai d kasi haram..d sini mr.aki balajar erti hidup dan perjuangan, erti sahabat dan kawan mala lebi dari itu.

pikir2 patut inda patut ?

sabala kiri pagawai daerah kota marudu d sabala kanan yb. anita baranting


cuba kamu urang pikir aaaaaa patut ka inda patut utara fm d bayar ? bayar gaji, bayar
perkidmatan, bayar karaja...diurang, kalau inda patut bagi sabap mr. aki 10 sabap saja atau kasi kurang lagilah 5 sabap...lapas itu mr. aki kasi sabap kanapa diurang ini patut d bagi gaji, bagi bayaran, bagi duit ....sadangkan diurang bakaraja karas bagi info pada warga manusia d saganap dunia buli dingar...kalau bilang diurang ini indada sumbangan, maka talinga kamu mangkali tuli, mata kamu mangkali buta.

mr. aki bacakap pasal bayaran...bukan apa, cuma buka pikiran semua pihak yang tarlibat pikir pesta jagung....banyak juga urang luar barcakap mancari jagung bertimbun-timbun d pamiran...tapi indada kejumpaan diurang bilang, bukan macam pesta d kundasang dan ranau kanampakan itu kubis dan durian...diurang bilang. mr. aki malu juga d tampar seolan ini.. jadi apa jawapan kita urang aaaaaaa

ini 2 urang dj utara fm ----siapa2 inda pacaya cakap mr. aki ini rujuk urang2 dalam gambar atas sampai d bawa. mr. aki ini inda membuyuk...

PIKIRAN MR. AKI; pikir jangan inda pikir kabanaran cakap mr. aki ini....yang lain pulang panu pokit utara fm balik kampis pokit...panat tatap ada inda paya d carita...yg lain katawa ribu2, pulu ribu....diurang katawa juga !!! tanya diurang katawa kanapa. 1 x percuma, 2 x percuma, 3 x percuma kalau kali2 percuma apa macam, d dapan bilang ok bah....balakang adissssssssssss mengutuk, garam, mara dan macam2 lagi kan ? jangan tapukl2 lah...tatap punya.

kanapa lain di bayar ribu2

Kamu urang tulis alamat diatas dan klik...lapas ini kamu pasti akan barsama radio utara fm yang sadang bersama anda sikarang d pesta jagung, kota marudu, sabah, malaysia. Satu2nya radio online membuat liputan acara2 karajaan d sakitar utara sabah...yang bikin kasiannya, mereka ini semua menguna duit sendiri. Jadi suda sampai masanya karajaan pikirkan imbuhan/ganjaran diurang ini bah....pasal mereka bantu karajaan kasi langsun program mereka, bagilah sikit2 diurang pun makan juga, diurang pun ada tangunagan, diurang pun ada bayaran kos.... pikirkan sendiriiiii !!! KANAPA UTARA FM D BAGI MAKAN SAJA ? KANAPA YANG LAIN D BAYAR RIBU2 A

PIKIRAN MR. AKI; mr. aki tarus ikut parkambangan mereka ini....itu makanya mr. aki ini tau pasal utarafm, kamu urang tingok saja karaja diurang ini d web / radio diurang

butul2 punya manusia

gambar ini mr. aki ambil dari facebook

antara muka2 dj2 utara fm yg sadang membuat liputan pesta jagung kota marudu, sabah... yang inda d kasi gaji oleh siapa2 ..mereka berkarja buang duit sendiri, langsung inda d sebut oleh pemimpin adisssssss inda apa. tungu siapa2 yang inda kasi ucap terima kasi ini pada manusia yang banyak berjasa.....yg kurang asamnya ada juga urang barcakap d cala2 kebuduhan sendiri, katanya terima kasi inda paya... kalau macam itu kanapa ada galaran datuk, tan sri, tun dan sabagainya ? untuk apa...!!!



ucapan dr. max secara langsung d dewan kota marudu, pesta jagung x yang ke 8 , astro x ke 3 membuat tajaan pesta jagung....jalan2 d kota marudu jem dari siang sampai malam ini...tahun 2008 yang datang lebi 30 ribu yang datang.. x ini oleh karana hujan maka kadatangan kurang sikit ...tapi yang malannya lansung indada c max ucap terima kasi pada utara fm...yang banyak membantu kasi poromosi peata jagung melaluai web dan utara fm....apa punya manusia dia ini ? dalam ucapan dia sabantar tadi ( bebarapa saat ) sadangkan utara fm mati2an kasi promosi...nasip inda kering air liur mereka.

Minum kupi sama2 ati lain2

Dalam dewan maki hamun sama2.. aku yang paling butul, kou inda butul..aku paling banyak pangaru ( dalam ati masing2 ) pangajarannya..bersikap terbuka, bersikap jantan....tapi yg malangnya ada kawan2 mr. aki yang pangkat pun baru barapa, duit dalam bank pun baru barapa, kurita pun baru barapa, rumah pun baru barapa....pokoknya 2 x 5 = 10...tapi egonya bukan alang2 malangit, sumbungnya bukan alang2, sikap dan parangai kala2 menteri ... aduiiiiiiiiii kasiannya. jadi bagai mana mau tumbang tandik kalau ini macam, kawan sendiri d pandang sirung, d pandang 1 biji mata, silapa2 lama2 inda maningu ini urang ini.....inda apa kalau buta mata....mambaca musu biara ngam bah, jangan mambaca main antam pakai kapala utak udang !!!!

Kalau butul2 sala ....kalau butul2 budu...kalau butul indada utak...kalau butul2 indada guna bagi tau lah bah yang inda ngam, bagi tau inda butul, ajar sampai pandai....SILAKA punya sipat ( urang lain inda tau sikap kamu tapi ingat2 ada urang yang tau sikap kamu, buli d talanjang abis parangai kamu !!!

kanapa inda cari urang2 ini

Siapa inda kanal urang ini d dunia silam ? anak2 muridnya marata dunia, dia seorang pangamal tarikat, dia seorang ahali sufi, dia seorang pendakwah dan juga pajuang....urang2 inilah patut para pemimpin dunia dakati, minta pandangan hal2 perjuangan....mereka ini punya mata ati yang tajam.. kumpulan2 mereka ini adalah guru2 mr. aki yang tingal d malaysia, mereka ini ahlulbait keturunan nabi SAW gambar; sheikh Nazim dakwahnya marantasi banua.

Sahabat2 mr. aki

Kalau sebulum ini mr. aki kasi carita pasal guru2 mr. aki x ini kawan2 mr. aki pulak aaaaaaa ini datuk taupik kitingan urang tawau...timbalan menteri DUIT sabah, dia ini oleh karana kawan mr. aki bila2 saja mr. aki masuk upis dia....tapi satakat ini baru 3 x mr. aki masuk upis dia...sajak dia jadi menteri....datuk taupik ini bagus urang dia, muka dia pun barcaya, suka tulung urang...2007 di tulung kawan2 mr. aki dakat2 raya, dia bagi duit, bagi makanan, bagi macam2 ...dia menteri yg muda d bawa pada masyarakat kampung satakat pangalaman mr. aki ....indad main2 karatas karaja, tarus dia datang d kampung mr. aki pada hal bukan kawasan dia ....kalau ini parangai menteri2 d malaysia alamat sampai mati d sukun rakyat ...urang2 kampung yg datuk tulung kirim salam diurang bilang...

Mr. aki jadi calun ?

gambar ini mr. aki ambil dari sini; http://minaq-jinggo.fotopages.com/

PIKIRAN MR. AKI; x ini mr. aki mau cerita pangalaman yg bikin katawa, bikin maradang juga, bikin inda percaya juga.....adissssssss, k bagini cerita dia pada tahun 2004 masa pilihan raya ketika pak lah jadi pm lapas tun DR. Mahadir kasi jawatan....PAS sabah pun lantiklah calun2 dia termasuk mr. aki hehehehehehe mcm inda percaya kamu kan.....borang mcm2 suda d isi, angkat sumpa pun suda, sidang akbar pun suda...pokoknya suda siap manyaranglah kunu....ust yg ada kupia d atas pun barcakaplah....katanya; ok calun2 semua kamu ini PAS pusat kana bagi DURIAN atau paling indada RAMBUTAN heheheheh ( duit diposis calun ) kami pun baliklah d kawasanmasing2......mr. aki kana malawan si suhaili sanaaaaaaaa TUNGKU, Lahad datu. sampai sana lahad datu pagi2....siap dengan samping dan bag berisi burang heheheheh sama pancadang dan penyukung..macam si tahi2 tungu punya tungu DURIAN/RAMBUTAN sampai tutup dewan habuk pun indada.....pindik cerita INDA BUTUL juga PAS ini...nama bukan alan2 punya cantik...pangalaman heheheheheh.. JADI bayangkan !!!

cukup sampai d sini .....panjang lagi cerita DURIAN/RAMBUTAN INI tapi indada guna bangas suda, urang dusun bilang NAPASA..!!

sajak pagi2

sejuk malakat d badan
urang lain suda mati
d luar pakat malam
ayam suda tidur
anjing juga tidur
mimpi apa ?


sejuk malakat d badan
d kiri kanan indada kawan
napas masi ada... pikiran bajalan
membubut-bubut d atas awan
apa d cari ?

sejuk malakat d badan
embun malakat d rumput bukan dj.rumputt
yang bermimpi tarus kesiukan
yang mancari tarus mancari
yang mati esok bangun
apa kou rasa oren ?

Antara guru2 mr. aki

tarima kasi guru... karana banyak kasi kuat pikiran, kasi samangat, kasi buka mata ...untuk pangatawan para pambaca umur antara mr. aki dengan pak habib ini inda juga jahu butul2...barmula kaluaran ini, mr. aki kasi papar muka2 guru mr. aki untuk pambaca renung2 siapa mr. aki sabanarnya.....pak habib ini antara manusia yang punya pikiran yang tajam malihat permasalahan manusia...dia juga d kanali sabagai pak nujum moden. Ringkasnya bila kita tau2 guru2 seseorang maka taulah kita sikit2 sikap urang itu, taulah kita pangaru seseorang itu, taulah kita galangan seseorang itu.....macam2 lagi.

pbs ooooooo pbs

PIKIRAN MR. AKI; ini pairin aaaaaaaaaaaa inda sumbung urang dia, parna babarapa kali mr. aki terjumpa ini urang masa mr. aki ada urusan kampung...dia salamba saja, banding menteri2 lain yang OKOSOG bilang urang dusun ( okosig ertinya KARAS ) meningu urang pun mau inda mau tingok urang, dengan baju ribu2.... masa itu HARAM murakab kalau ada menteri yang pangil minum...cuma si pairin saja yg pangil kamik minum, mantang2lah mr. aki ini urang kampung indada pangkat, indada jawatan, indada kakayaan diurang tingok macam indada guna....inda apa, ada masa mr. aki ajar diurang ini.

sadar2lah bah

Mangaku kasalahan itu pahi...mangaku malakukan dosa juga pahit, lagi pun mana ada urang mangaku buat dosa bukan ? yang buat dosa tatap kata juga kata inda ku buat....tapi ALLAH tahu dosa2 kita urang.

ini pandikar amin mulia - merupakan paling pandikar dalam sajarah pulitik... butul kan ? tapi yang malang ada urang yang kasi tunjuk2 pandikar tapi sumbang mambang pandikar dia ....kasiannnnnnn, siapa kah urang2 ini dan bagai mana sipat2 dia....antara parangai dia inda kanal kawan yang kawan, inda kanal musu dari musu...buat baik pun kana ati2 juga zaman ini...tingok dulu kiri kanan...itupun kalau mau yang asil dia bagus...kalau main antam saja indadalah itu, antam sajalah !!!

Minyak lagi ?

PIKIRAN MR. AKI; Siapa bilang sabah inda kaya raya aaaaaaaaaa dulu sabah tarkanal dengan kayu balaknya, tapi rakyat dapat kulitnya saja....lapas itu tambaga itu cuma tahi2nya saja rakyat dapat..kalau inda percaya kamu urang pigi sana air panas aranau, apa diurang jual ? pasti kamu nampak tahi2 tambaga bukan....ini x petunas bilang ada lagi minyak kejumpaan d sabah...mahadir bilang jangan gadu2 ... yang bikin sakit ati adakah minyak keluaran sabah hanya 5% saha sabah dapat, sadangkan tarangganu d kasi naik suda ...... adisssssss palui butul ini karaja...mana bah kamu pemimpin2 sabah ini. Minta bah kamu lebi2 sikit ini keuntungan minyak kita urang ....

Ada sumber minyak baru di utara Sabah - Dr. M

KOTA KINABALU 14 Nov. - Petronas berjaya mengenal pasti sumber minyak baru di bahagian utara Sabah untuk diterokai yang mampu mendatangkan kekayaan kepada negeri itu.

Bekas Perdana Menteri yang juga Penasihat Petronas, Tun Dr. Mahathir Mohamad berkata, jika minyak itu dikeluarkan dalam tempoh tiga tahun ini, Sabah terutama rakyatnya akan mendapat keuntungan yang besar.

"Sabah bernasib baik kerana Petronas memberitahu saya terdapat minyak di laut dalam di utara negeri ini. Minyak ini akan menyumbang kekayaan yang lebih besar kepada negeri Sabah," katanya.

Dr. Mahathir berkata demikian ketika berucap pada majlis makan malam meraikan beliau anjuran Pertubuhan Islam Seluruh Sabah (USIA) di sini malam tadi.

Turut hadir Ketua Menteri, Datuk Seri Musa Aman; Yang Dipertua USIA, Tun Sakaran Dandai; Timbalannya, Datuk Lajim Ukin dan Setiausaha Agungnya, Datuk Abdullah Hussin.

Bekas Perdana Menteri berkata, penemuan sumber minyak tersebut bukan sahaja petanda baik untuk negeri ini tetapi juga seluruh negara yang akan turut memperoleh manfaatnya.

Jelasnya, walaupun Sabah menerima royalti minyak lima peratus setahun tetapi hasil jualan minyaknya turut dinikmati negeri lain termasuk yang tidak mempunyai sumber itu.

Dalam pada itu, Dr. Mahathir meminta umat Islam di negara ini supaya berhenti bertelagah sebaliknya bersama-sama membaiki semula imej agama itu yang telah rosak.

Beliau yang juga Yang Dipertua Pertubuhan Kebajikan Islam Malaysia (Perkim) berkata, Islam masih lagi dilihat sebagai agama yang ganas, bengis dan tidak adil.

"Bila Islam dikecam dan dipandang hina kita marah tetapi kita tidak mengkaji tindak-tanduk orang Islam (terlebih dahulu). Tanggungjawab membaiki imej Islam adalah milik kita bersama," katanya.

Menurutnya, umat Islam di Malaysia amat bertuah bukan sahaja dapat hidup dengan aman damai tanpa sebarang konflik serius tetapi juga terlindung daripada bencana alam.

"Kita perlu bersyukur dengan keadaan ini jika dibandingkan dengan nasib umat Islam di Asia Barat, selatan Filipina dan beberapa negara Asia Tenggara lain.

"Begitu juga dengan bencana alam, walaupun terdapat gunung berapi di sekeliling Malaysia misalnya di Sumatera dan Jawa di Indonesia serta Filipina yang seolah-olah seperti rantai, tetapi kita terselamat," katanya.

Ikan oh ikan

gambar ini mr. aki ambil dari buluk; http://romoumatodagai.blogspot.com

PIKIRAN MR. AKI; banyak urang pulitik bacakap katanya ' jangan kita bagi seseorang itu ikan tapi bagilah pancing ' ada butulnya juga, biar yang d bagi pancing turun itu turun pigi sungai mamancing banyak mana ikan dia suka... dan kalau tarjumpa lubuk ikan tatap bakulnya panu ikan, buli jual, buli kasi bagi2 kawan2 itupun kalau inda kadakut dan bakil...jadi apa lagi marilah kita mamancing....!!!

durian inda bagus ?

ini gambar mr. aki ambil sanaaaa buluk lensa aldusuni
http://romoumatodagai.blogspot.com/

siapa inda kanal ini durian ? semua urang kanal ini durian kan...bukan itu saja wanginya, manisnya semua kita urang tau, dalam dunia ini ada manis dan ada yang pahit, ada wangi ada busuk. tapi bikin hairan yang urang yang inda suka wangi ini durian apa lagi makan, kata urang ini ..wangi dan manisnya bikin paninggggggg mantang2 dia inda suka... pandai2 pulak dia cakap sana sini pasal keburukan ini durian pada urang lain...kalau inda makan dan inda suka sakali pun patut diam2lah...pasal banyak lagi yg suka makan ini durian bah, butul2 inda perihatin dan inda hormat urang lain punya kesukaan...jadi mr. aki arap yang inda suka makan durian ini diam2lah...kasian ini pananam durian, atau apa salanya cuba lagi makan duriaan yang kawin, jangan2 ko makan ini durian utan....makanan munyit atau gajah.