sambungan gambar d bawa; ini baru d aspal ketika mr. aki limpas d sini, masi hitam pakat bulum ada garisan jalan..bikin hairan butul urang2 yang marancang ini jalan untuk d kasi aspal...jkr dan pihak pejabat daerah kota marudu juga...kanapa jalan ini masti d aspal ?.. urang2 tandik semua tahu jalan ini jalan indada sumbangan pada urang kampung.....cubalah peruntukan ini, bagi pada kampung d sabalah.. kata urang dusun 'MOGOTNO' dapat juga marasa jalan ASPAL .. tahun dapan sambung lagi..... ini d buat d sini pulak !!! butul2 kapala yg marancang ini BUDU butul, utak penipu buat lapuran... kalau jkkk dan ketua kampung d tandik yg buat permohonan ini.. maka mr. aki kata koulah palingh buduhhhhhhhh punya manusia...tapi kalau urang pulitik yg buat cadangan supaya jalan ini d aspal maka mr. aki kata kou lah paling pintarrrrrrrrrr !!!
Inilah TANDEK cantik d gambar buruk d MATA, bangunan putih yg anda nampak butul2 jadi kambing HITAM ..biarpun catnya putih..Kelinik ini cukup dengan kemudahan asas, tapi para pasakit lebih suka datang d hospital lotong, kota marudu..karana kurita sapu semua pigi pekan KM...pasakit yg minta rawatan inda sangsara tungu kurita pulang dan balik barbanding d tandik ...kalau d tandik tarpakasa berjam-jam menunggu kurita pigi dan balik, d samping banyak lagi sabap urang kampung lebi suka terus pigi kota marudu...akhirnya pakan tandik d limpas2 saja..
apa yag mr. aki mau carita ini barkaitan jalan ini. d sabala kiri jalan ini bangunan SMK TANDIK barsambung dengan pasar ikan/sayur yg samak samun.. dan tahi2 karabau bertumpukan2 hitam macam kek... ( kek gisak...urang dusun saja tahu apa ini gisak, dan yag sama waktu dengannya ) yang menguna jalan ini lori2 angkat sawit, karabau dan sekali sakala penguna jalan ambil pintas ( malas tingok pakan tandik ) menuju ke jalan raya basar...inda sampai 2 km ... tahun 2008 jalan ini saparu saja ASPAL sikarang ASPAL habis....sanang2 saja karabau jalan, sanang2 lori angkat buah sawit ....tapi perseolannya d sini adalah ... kanapa jalan ini d ASPAL, apa kolojikan dia, barapa ratus pengguna ... ? inda masuk akal penting sangat jalan ini d ASPAL..banding jalan2 utama lain d kawasan tandik..atau patutnya lubang2 besar dan kecil d jalan utama d kwasn tandik d tutup lagi cantikkkk
Tiada ulasan:
Catat Ulasan
Kamu buli cakap apa saja kamu suka tapi tangung sendiri aaaaa mr. aki inda bartangungjawab...