Lagu Mr. Aki

Petang ini Mr. Aki mau carita kamu urang lain cikit aaaaaaaaa. Barkaitan lagu yang baru Mr. Aki simpan d buluk Mr.Aki... inilah bah, biar pun Mr. Aki suda tua tapi ini kanangan inda tua2 masi muda... ini lagu memang Mr. Aki paling suka, pasal ini lagu bini Mr. Aki paling suka heheh cuba kamu urang tingok saja pinggang bini Mr. Aki .... kasi gila Mr. Aki zaman muda2, bukan sanang ooooo pikat bini Mr,Aki ini.... tarpakasa barampas pulas. Macam para calun BN d tiga tampat sikarang manambat ati pengundi... Mr. Aki pun ketika mangambil Si Odu kamu ini barampas pulas juga... apa indanya Si Odu ini bakas ratu pesta manuai d zamannya... Ok balik pasal barampas pulas, yg cuba kasi tawan Si Odu ini ada 3 pinjuru juga kekek termasuk Mr. Aki ... tapi nasip dan takdir Mr.Aki manang ... indada ilmu d pakai, cuma pangalaman bikin manang Mr. Aki mandapat Si Odu kamu urang ini ... jadi ini pangalaman itu penting kalau mau berjaya apa2 saja....