Jahil Murakab

Sumber gambar;

http://syahmie12.fotopages.com/
Sandakan

Pagi para pambaca / salamat solat jumaat untuk kaum muslimin. Kalau kita lihat gambar d atas macam2 ungkapan rasa yang kita jumpa... mr. aki banyak mendapat ilmu dari alam, inilah sikula mr. aki..

Ada hadis urang malayu salalu kita pakai '' JAGA TEPI KAIN URANG '' maksudnya, seorang yg ambil tahu hal urang lain, ada kabanarannya juga, ada inda banarnya juga, dan mr. aki rasa kamu urang paham...cuma mr. aki inda setuju kalau perkara karut marut d katakan bagus, d katakan buli, d katakan tak apa ... macam ada seorang kawan ini ..kira satu kampung dengan mr. aki jugalah, dia kata minum tapai, minum stout dan apa saja yang bikin mabuk .. buli minum sikit2 untuk jaga hati, demi perpaduan, kasi hormat kawan... sadangkan dia seorang islam.

Budu butul urang ini... mana dia dapat ilmu itu ? yang dia berhukum 'BULI' . Butul2 dia jahil..kalau inda tau balajar bah, kalau inda tahu bagus diam2 ... yang bikin maradang dia ini bakas anak pemimpin ....yang ini buli kita ambil tepi kain urang, untuk kita kasi baik..yang inda bagusnya kasi lubang dinding ruma urang untuk tingok kain sarung, tuala mandi dan sabagainya....