"وَمَا هُوَ بِقَوْلِ شَاعِرٍۢ ۚ قَلِيلًۭا مَّا تُؤْمِنُونَ
dan Al quran itu bukanlah perkataan seorang penyair. Sedikit sekali kamu beriman kepadanya." (QS. AL HAAQQAH:41)

SINI KAMU URANG

Selasa, 31 Mac 2009

Pahit2 Manis 1

Alhamdulillah Mr. Aki baru siap makan, isap sigup lepas makan memang sedappp... macam Mr. Aki yang suda tua indada suda d pikir2 selain menanti ' Mati ' pasal suda tua, selain kasi banyak amal Mr. Aki inda puas2 kasi ingatan cucu2 sia agar main pulitik biarlah ada pagangan dan parinsip jangan membuntut saja... itu indada guna, kalau YB buat dosa pada rakyat masti kasi ajar supaya dia kasi butul karaja dia...kalau tidak indada guna kita sukung dia... kamu paham juga tujuan sia cakap ini kan ? kamu ada sikul gunalah pikiran. Ketika ini 3 tempat sedang buat pilihan raya, Mr.Aki memasan pada kamu, agar bersikap berani pada pemimpin tegur dia kalau ada kamu urang inda suka perangai dia ka, cakap dia ka, janji dia ka atau apa sahaja ... supaya dia kasi butul dan inda buat lagi perangai yg kamu inda suka. Kalau dia inda ingat jangan menyasal bilang pada dia ... tugas jadi pemimpin macam kuli bah... bukan macam raja, guyang2 kaki saja. D Sabah BN manang karana kami mengukum pemimpin2 kami akhirnya diurang kasi bagus keraja, meskipun masi ada d antara diurang inda berapa bagus... tapi kira ok suda cikit2, nah ilmu ini kamu urang pakai ' BERANI ' tegur, biar urang nampak kita macam pembangkang tapi sebanarnya kita buat macam itu karana kita sayang dia ...

1 ulasan:

Kamu buli cakap apa saja kamu suka tapi tangung sendiri aaaaa mr. aki inda bartangungjawab...

Klik player di bawah untuk mendengar siaran CAHAYAFM