Goblok ?

Lama juga inda membolok kan ? kira aki mau rehat suda bah, pasal aki suda tua tapi bila malihat diurang ini menginjak-injak katalampawan, tarpakasa aki mengambil keputusan untuk masuk galangang balik.

ini gambar yg kamu tingok sikarang ini, merupakan urang2 penting dalam PBS juga bakas CM sikarang timbalan CM yg satu urang ini pulak menteri pusat ( Pairin dan Maximus ) kalu aki lihat persidangan PBS x ini merupakan kali ke 26 ertinya suda 26th PBS main pulitik.

Kita kasi tingal pasal PBS dan Pairin duluk .. kita bacarita dulu pasal ini MAX yg nakalanut sini Bandau sabagai menteri ... tapi habuk pun indada dia bawa, tapi bikin hairan urang2 buta mata pulak, diurang puja2 c max kununya kerana dia bandau maju. Talingung butul memberi ulasan, jangan2 dia ni kana pugai RM .

Siapapun yg jadi menteri dan YB tatap juga dia buat tu karaja bah kawan .. tapi kakau ko builang bandau suda maju itu inda butullllll , diurang bilang banyak bangunan baru, kadai2 sadang di buat .. itu butul, tapi bukan karajaan yg buat atau c max yg bawa ..tu urang kaya2 yang buat bangunan itu pasal kanapa ? tana bandau masi mura itu pasal cina2 kaya barabis membeli tanah dan buat bangunan.

inda paham2 kamu ini.