"وَمَا هُوَ بِقَوْلِ شَاعِرٍۢ ۚ قَلِيلًۭا مَّا تُؤْمِنُونَ
dan Al quran itu bukanlah perkataan seorang penyair. Sedikit sekali kamu beriman kepadanya." (QS. AL HAAQQAH:41)

SINI KAMU URANG

Sabtu, 22 Januari 2011

Siapa Sabanarnya Manusia ini ?

Inilah manusia d muka bumi era 80an yang mencipta sejarah dalam dunia islam dengan gaya dan perawakan cukup menarik..oleh siapa saja malihat baik urang islam atau bukan islam, namun semua ini musnah bila mana karajaan GARADAK habis2an perjuangan dia yg d katakan sasat lagi menyasat. Aki bukan alim ulama apa lagi pakar bahagian2 ilmu cuma aki pakai akal yg inda GILA atau saparu GILA .. untuk mengukum siapa sala dan siapa banar.

yang aki mau cakap macam ini; urang buat baik pun bilang sala apa lagi panjahat, lanun dan perumpak labi2 lagilah bila mana urang2 agama buat karaja agama lagi lah d cop macam2 sampai kapada cop mohor KAPIR .. Siapa manusia yang inda berdosa zaman ini ? rata2 kita berdosa kompom punya .. cuma kanapa kebaikan inda d cerita bila mana urang itu berdosa pd hukum ? ini langsung d lihat DOSA macam dia yng tukang cop itu malaikat.

Dia ini punya macam2 galaran antaranya syeakh, shoutul, abuya dan pemuda bani tamim yang akhirnya semua apa yang dia buat HARAM belaka .. kasiannn tapi inda dapat d nafikan jugalah urang2 dia ada juga katun, labi2 dan kura2 tapi kalau ia pun ceritakan juga kebaikan dia bah .. jangan semua HITAM, aki puji dia ni pasal dialah urang pertama yang mengamalkan sistem islam di semua bidang.. tabikkkk sama manusia ini. Ringkasnya manusia ini sabanarnya GURU secara langsung dan inda oleh dunia islam . Al - Fatiah buat arwah ashari muhamad

2 ulasan:

  1. kalau ia pun gunakanlah ejaan standard nanti urang di samananjung tidak paham. nanti diurang bilang orang sabah tidak tau mangeja..nanti orang sangka orang sabah bodoh...kalau kasi salit-salit itu sabutan urang Saba inda apa tapi kalau talampau banyak dikasi salit orang Saba pun tidak suka he he he... bagus tukar nama blog kou kapada Opodos Lado Tokou supaya orang saba lakas tau..sabap ada arti..Pedas Lada Kita...inda apa bah kalau kou...

    BalasPadam
  2. ok bah kalau ko .. cadangan yg bagus tapi apa buli buat ini saja kamampuan yg paham paham lah , kalau urang2 malaya nampak budu terpulang dan aki rasa inda buta mata suda manusia zaman ini siapa budu dan pintar2

    c pairin duluuuuu d kasi budu2 las2 c aris tumbang mambang, lintang pukang ..c aris sikarang d mana ? c pairin d mana ? inda budu pulak kan busss

    aki buat buluk ini suda masuk 5 th dengan cara ini kampung2 punya buluk

    BalasPadam

Kamu buli cakap apa saja kamu suka tapi tangung sendiri aaaaa mr. aki inda bartangungjawab...

Klik player di bawah untuk mendengar siaran CAHAYAFM