Pikirlah sendiri...?

kanapa main anguk2 saja ?macam indada pikiran ka ? atau inda barani..pili mana2 ko mau, mr. aki suda kasi tau pada kamu

bila mau cari jalan kabanaran, ikutlah jalan lurusssss dan banar2 butul....rujuk sumbar ukum

sia pikir2 macam inda butul bah kamu ini....tapi apa buli buat, saya tatap tandang ini bula dan kasi masuk sana luar padang, supaya ko inda dapat main bula. ( dalam atinya; adisssss sia inda adil bah pulak )

kalau saya angkat tangan kamu inda buli turun tangan....saya ini katua kamu, saya ini pemimpin, saya ini ada kuasa, saya ini adaaaaaaaaaaaaa. lihat kamu urang semua saya buat kamajuan, saya buat amal bakti, saya buat banar2 saja, saya buat karaja 24jam...semua saya kasi lulus.

Apakah banar, dengan angkat tangan KABANARAN milik seseorang ? sadangkan ati inda setuju...pikiran masi ragu2 menarima kabanaran tangan2 ramai...agak malang ukum angkat tangan dalam masyarakat ketika ini d jadikan muktamad lalu inda buli d partikaikan lagi...kalau ajaran silam tantu kita urang tau, bagai mana kabanaran itu d parlatakkan bukan ? mungkin juga tangan2 yang menyukung itu d pangaru oleh duittttt, jasaaa bin budi, kapantingan diri dan macam2 ada....kita rasa sendiri pakara ini dan parna buat macam ini, jadi keringkasannya masing2 kita manarima kabanaran kita saaat kita d tanya d dapan Allah d kamudian hari.