Monday, June 1, 2009
http://nazri-suaramualaf.blogspot.com'' Lensa Minda ''
Siapa yang wajar dipersalahkan dalam hal ini ? Apa hikmah di sebalik kejadian ini ?
para pembaca tentu punya pandangan dan jawaban tersendiri...
Petang tadi, lensa minda bergegas melihat sendiri kejadian bangunan astaka pekan Tandek yang ROBOH. Bersama Tikung SAM, kami datang melihat sendiri kebenaran di sebalik ROBOHnya projek mega untuk Tandek.. dan inilah hasilnya ...
Astaka pekan Tandek yang sedang dalam pembinaan, ROBOH minggu lalu. Kenapa ia ROBOH ?Masyarakat setempat perlukan jawaban...
SUMBRR; http://marudubloggers.blogspot.com/
ini butul2 kapadasan mata mr. aki gara2 barita d atas yang bukan saja bikin malu sama karajaan tapi seolah-olah tanda2 awal akan tumbangnya pemimpin kota marudu dan tandik.. kalau ini patanda dia, maka karajaan inda buli mara2 pada pengundi tandik akan datang..mr.aki salama ini banyak x suda kasi papar cerita kota marudu dan tandik.
Kanapa bangunan ini tumbang ? jawaban sanang saja..sagala bahan binaan inda bagus, inda cukup sempurna, inda ngam cara buat..raingkasnya inda ikut skop karaja JKR.Kanapa ? jawabnya; mau untung banyak, mau kaya capat, mau kasi capat siap karaja, mau capat terima bayaran dari karajaan..siapa yang dapat ini karaja ? jawabnya; yang ada lesin, yang ada talian hayat pulitik, urang kuat pemimpin YB d kota marudu..ini bukan cerita buhung, semua urang kota marudu tahu cerita ini...
bangunan ini ROBOH suda 1 mingu, YB anita baranting dan YB dr.max bulum buat penjalasan rasmi pada rakyat.. kanapa dia roboh, kanapa dia tumbang...sadangkan d tandik indada sejara adanya gampa bumi, indada sejara adanya ribut jahu sakali tsunami...yang ada ribut pulitik, yang ada gampa bumi pulitik dan tsunami pulitik..walaupun 2 YB ini manang d sini tapi kamanangan dia adanya HANTU PILIHAN RAYA, TOYOL BAGI2 DUIT..dulu masa pilihan raya d sini, SPR tiba2 kasi umum peti undi d beberapa kawasan bukit lambat sampai.. alasan kabus tebal dan angin kuat.. itu kapal inda buli terbang,bikin katawa butul2 diurang punya alasan.. kalau tipu katakan tipu bah, hidup2 urang tandik d kasi buyuk..
Mr. aki nampak yang kasi tanam rasa KEBENCIAN pada karajaan sabanarnya bukan datang dari rakyat.. tapi dari pemimpin itu sendiri..lihat saja bangunan yang tumbang d tandik ini..bangunan tumbang mereka jadi BATU SAJA, inda buat apa2 kanyataan..pasal mau bincang2 dulu macam mana mau kasi tutup tong tahi yang busuk, bincang2 dulu macam mana mau cari bahasa paling sadap d dengar oleh rakyat...
bincanglah kamu, rundinglah kamu...bahasa apa saja kamu pakai, alasan apa saja kamu buat silakannnn...TUMBANG TATAP TUMBANG !!! kamik sokong karajaan tapi karajaan sala pili calun..ada urang kata apapun alasan urang tandik MANANG TATAP MANANG..butul cakap urang ini, tapi urang ini sabanarnya kamik kanal muka dia, kamik kanal jalan pikiran dia, kamik kanal gaya dia...MACAM ULAR, MACAM RUDAI/SUSUMPAH BULI TUKAR2 WARNA KULIT DIA..YANG PENTING SALAMAT..ini pajuang derhaka pada rakyat dia sendiri. Apakah JADAHNYA ( NTV7 ), kata mr. aki apakah JAHANAMNYA...kou pikirlah sendiri !!!
ini butul2 kapadasan mata mr. aki gara2 barita d atas yang bukan saja bikin malu sama karajaan tapi seolah-olah tanda2 awal akan tumbangnya pemimpin kota marudu dan tandik.. kalau ini patanda dia, maka karajaan inda buli mara2 pada pengundi tandik akan datang..mr.aki salama ini banyak x suda kasi papar cerita kota marudu dan tandik.
Kanapa bangunan ini tumbang ? jawaban sanang saja..sagala bahan binaan inda bagus, inda cukup sempurna, inda ngam cara buat..raingkasnya inda ikut skop karaja JKR.Kanapa ? jawabnya; mau untung banyak, mau kaya capat, mau kasi capat siap karaja, mau capat terima bayaran dari karajaan..siapa yang dapat ini karaja ? jawabnya; yang ada lesin, yang ada talian hayat pulitik, urang kuat pemimpin YB d kota marudu..ini bukan cerita buhung, semua urang kota marudu tahu cerita ini...
bangunan ini ROBOH suda 1 mingu, YB anita baranting dan YB dr.max bulum buat penjalasan rasmi pada rakyat.. kanapa dia roboh, kanapa dia tumbang...sadangkan d tandik indada sejara adanya gampa bumi, indada sejara adanya ribut jahu sakali tsunami...yang ada ribut pulitik, yang ada gampa bumi pulitik dan tsunami pulitik..walaupun 2 YB ini manang d sini tapi kamanangan dia adanya HANTU PILIHAN RAYA, TOYOL BAGI2 DUIT..dulu masa pilihan raya d sini, SPR tiba2 kasi umum peti undi d beberapa kawasan bukit lambat sampai.. alasan kabus tebal dan angin kuat.. itu kapal inda buli terbang,bikin katawa butul2 diurang punya alasan.. kalau tipu katakan tipu bah, hidup2 urang tandik d kasi buyuk..
Mr. aki nampak yang kasi tanam rasa KEBENCIAN pada karajaan sabanarnya bukan datang dari rakyat.. tapi dari pemimpin itu sendiri..lihat saja bangunan yang tumbang d tandik ini..bangunan tumbang mereka jadi BATU SAJA, inda buat apa2 kanyataan..pasal mau bincang2 dulu macam mana mau kasi tutup tong tahi yang busuk, bincang2 dulu macam mana mau cari bahasa paling sadap d dengar oleh rakyat...
bincanglah kamu, rundinglah kamu...bahasa apa saja kamu pakai, alasan apa saja kamu buat silakannnn...TUMBANG TATAP TUMBANG !!! kamik sokong karajaan tapi karajaan sala pili calun..ada urang kata apapun alasan urang tandik MANANG TATAP MANANG..butul cakap urang ini, tapi urang ini sabanarnya kamik kanal muka dia, kamik kanal jalan pikiran dia, kamik kanal gaya dia...MACAM ULAR, MACAM RUDAI/SUSUMPAH BULI TUKAR2 WARNA KULIT DIA..YANG PENTING SALAMAT..ini pajuang derhaka pada rakyat dia sendiri. Apakah JADAHNYA ( NTV7 ), kata mr. aki apakah JAHANAMNYA...kou pikirlah sendiri !!!
kasi antam lagi bah aki..alang2 suda..mau berlembut sama diurang pun..diurang sendiri inda mau hormat sama kita lagi..indada pilian lain kasi taruh lagi lada kokou biar pada inda ilang2 sampai bila2..
BalasPadamwa.. Perlu panggil TV 3 ni tau.. nda buli jadi ni.. sayang duit peruntukan oh... bukan murah2 ni.. napa juga boleh jadi cam ni ni, tiba2 runtuh Mr.Aki..sorry, lama uda sya nda p Tandek ni.. hanyut sya cni tmpt org..
BalasPadam