Taling 5

Tahi kasi wangi macam mana pun tatap busuk.

Kerbau pun kalau lama2 d pukul pantat ( punggung ) oleh tuannya inda juga manahan, lama2 tanduk dia makan tuannya inikan pulak manusia.

Bapa sagala jenis gobuk.

Ada kawan mr.aki antar sms dia bilang kanapa mr.aki ini macam bukan UMNO pasal balik2 mangantam pemimpin, balik2 kasi taling... mr.aki inda balas dia punya sms pasal ada karaja lagi ( kasi giling ini gata ) . Mangkali ini kawan inda malihat kawasan kamik..yang inda kabar dari mukanya, itu pasal dia lihat mr.aki ini macam bukan UMNO atau sukung karajaan...nasiplah dia ini bukan calun kalaulah jadi calun memang awal2 indada urang sukung dia pasal inda pandai main pulitik.. dia lihat itu lambang saja batampal d dinding kemudian dia bilang itu penyukung dia, gobuk butul dia punya bacaan pulitik. Itu dinding ka mau undi ? yang undi urang ooooiii...kasi tampal 1 juta itu lambang pun indada erti. Nah..kan..

Mr.aki ini bukan jenis karabau, lembu dan gobuk indada pikiran, indada mata melihat, indada mulut... cukuplah manusia yang bersikap karabau di kasi budu2 d bagi baras hancurpun terus membuntut pemimpin, kemudian kentut itu pemimpin pun dia bilang wangiiii...palui punya penyukung. Mr.aki kasi tukul itu pemimpin inda mati, inda pengsan bah.. inda kurang simpanan dia, batamba ada...mr.aki buat taguran supaya dia buat karaja butul2, kasi tulung rakyat, kasi maju dia punya tampat...untuk makluman kamu urang keturunan kamik ini sangup balapar sukung karajaan... tanya urang2 panatik usno ? bagai mana sikap urang2 dusun sukung usno kemudian pinda pigi UMNO ( Urang2 tandik ) inilah mr.aki .. tapi sikarang inda suda main buntut diurang punya pantat ( pungung ) zaman dulu2 ya... sikarang pikiran suda tarbuka...