"وَمَا هُوَ بِقَوْلِ شَاعِرٍۢ ۚ قَلِيلًۭا مَّا تُؤْمِنُونَ
dan Al quran itu bukanlah perkataan seorang penyair. Sedikit sekali kamu beriman kepadanya." (QS. AL HAAQQAH:41)

SINI KAMU URANG

Sabtu, 4 April 2009

Pintar punya hal ...

Samalam Mr. Aki awal tidur, salapas Mr.Aki pukul2 bantal buruk yg si Odu kasi tingal sama Mr. Aki .. sI Odu pigi sanaaa kk tingok cucu kamik, jadi rasa rindu pada si odu buli tahan juga heheh tua2 ada juga parasaan bah.. tujuan Mr. Aki pukul2 bantal mau cari mimpi barisan menteri Pak Najiba... mana tau dapat jumpa, buli juga Mr. Aki buat kajutan pada kamu urang. Tapi inda kejumpaan dalam selimut mimpi, inda apa lah.... Ok Mr. Aki suda kasi simpan gambar2 bakas2 ketua2 menteri d sabah atas permintaan si nong, yang lain bulum Mr. Aki dapat gambar diurang, kalau dapat nanti Mr. Aki kasi simpan juga d buluk... Rupa2 tanpa kita urang sadar d sabah inilah paling banyak ketua menteri kan ? buli tahan butul... bila Mr. Aki kaji2 inilah rumusan yang Mr. Aki dapat;

  • urang sabah talampau banyak urang pintar2.
  • sistem keterbukaan paling awal berbuat, sebulum Pak Lah adalah sabah.
  • urang sabah indak suka d pijak2.
  • pemimpin2 sukuan d sabah mau jadi ketua masing2.
  • urang sabah inda puas ati mencari yg terbaik d antara yg terbaik.
  • urang sabah suka pilihanraya.
Mr. Aki rasa cukup 6 pakara dulu Mr. Aki bagi tau aaaaa yg lain kamu urang tamba2lah bagi2 kita urang pikir... sabap urang sabah ini pintar2 semua.

1 ulasan:

  1. Adesss...
    asal kokito oku dat rupa di Tun, andaman kuno arwah bapaku..kopisuang sabat at rupa daalo owo.
    memang banyak ba CM kita gara2 penggiliran setiap 2 tahun dulu tu..
    walau siapa pun yang jadi CM, adalah menjadi harapan kita agar mereka dapat melaksanakan tugas sebaik mungkin,.

    BalasPadam

Kamu buli cakap apa saja kamu suka tapi tangung sendiri aaaaa mr. aki inda bartangungjawab...

Klik player di bawah untuk mendengar siaran CAHAYAFM