Mati

Urang gila inda tau dunia ini macam mana, cuma urang gila tingal d bandar ada tamadun sikit pasal makanan dia dapat d tong2 sampa makanan urang2 kaya.... gila kampung2 bikin kasian, d katawa2 ...

otak2.. siapa yg inda parna makan ini otak2 maka dia inda tau rasa dia. Bah, kamu urang pigi rasa dulu.....

Siapa Tau Pokok ' KUPANG ' .. aik nah mr.aki pun inda tau itu pokok kupang dalam bahasa persuratan, pasal mr.aki lahir2 saja kamik punya bapa bagi tau itu pokok kupang, kupang kalau d tampat mr.aki tampat itu kawad malakat ( kawad - lebah Madu ),dan inda tau mangkali suda d takdirkan mana2 kawasan kuburan pokok ini ada tumbu... jadi kalau suda sakit kamik pangil urang itu, dia mau pigi ssanaaaa kupang... maksudnya dakat2 mau mati suda urang itu heheh. Siapa inda takut mati ? kita jawablah masing2 aaaaa apa yang mr.aki mau bagi tau pasal mati juga tapi bukan pigi KUPANG.

'mati pikiran'

urang mati pikiran ini masi idup, bajalan, makan minum macam biasa, cuma utak dia inda laju berpikir, inda buli kasi keluar pandapat2 bagus. Utak ini indada kedudukan...dan urang ini biasanya tukang ikut saja. Buli d kasi kuli2, buli d ulun2, buli d kasi main2, bikin kasian urang macam ini, tapi apabuli buat itulah nasip dia ...siapa urang ini ? nanti mr.aki sambung jenis2 urang ini, mr. Aki mau pungut gata dulu....