Urang Lama

Urang lama indada sikula.. jangan kita urang lupa, jasa2 diurang sama kita. Kurita, ruma, pangkat, bini cantik, banyak duit ( jutawan ) koparat dan sabagainya kamu dapat sikarang...sukurlah, jangan lupa daratan, jangan sumbung, jangan inda maningu urang. Sajak akhir2 ini sana sini urang bacakap pasal siapa aki ini, kanapa dia punya cakap ini lintang pukang, kanapa dia punya tulisan ini inda ikut tertib DBP dan sabagainya...aduiii apa lagi mau jawab aaaaaaaaa andang2 ini saja bah ilmu yg ada sama aki ini, sikula inda tingi, sampai darjah 6 saja nasip lah anak2 aki ini mangajar buat buluk kalau inda manakah aki tau dunia buluk ini. Sabanarnya apa yg aki cakap ini merupakan pangalaman hidup aki ( apa saja aki cakap ini, semua aki parna alami ) KALAU PADAS kamu rasa apa buli buat...mangkali kamu parna buat karaja2 yg aki bilangkan ini....tahan saja ati kamu.

Inda lama lagi munyit2 d utan skan saman manusia2 yg rakus, manusia2 tamak, manusia2 panjahat....kanapa ? pasal munyit2 sikarang ampir2 bijak macam manusia suda...dulu munyit inda panda isap ruku. JADI JANGAN KITA URANG KASI SUSU MUNYIT D UTAN ANAK D RUMAH KALAPARAN...Jangan mangasi daramah masa ada YB saja atau ada menteri saja.. mangasilah bila2 masa, yg paling bagus tapuk2 mangasi.

Mat rempittttttttt suda2lah kamu merempitttt ingat kamu d kasi idup oleh Allah karaja merempittt ka ? bukan itu tugas kita idup...tugas kita idup adalah manjadi hambah pada Allah.

Al - Quran d Injak

AL - Quraan c kapir laknat ini bukan sakadar menginjak mala diurang bakar , malang butul silam ini mereka karajakan...patutnya nagara2 islam bersuara bah, ini bising lagi lalat tarabang dari raja2 silam langsung inda bacakap..kanapa bah inda bacakap ...!!!

Inda sanang ati aki malihat perbuatan ini ... biarpun aki ni suda tua2 kalau pakara ini barlaku di kampung aki alamat batatak pun aki sangup..samata-mata mempartahankan kabanaran.

Apa Mau Cakap ?

Marayau punya marayau mancari info islam d maya aki tarjumpa pulak gambar2 ini ... sial, lahabau, jahanam butul2 muka aki macam kana tampar sabarat 1 tan bila malihat gambar2 penghinaan agama kai ini...inilah akibatnya, bila mana umat silam inda barsatu buat karaja dakwah. Urang2 kapir dengan sadap tangan melimpar tahi d muka2 urang2 silam.

Dengan sanang ati barsama sanyuman ... rasa puas ati tatooonya tertulis ayat kursi d balakang badannya, aduhaiiiiiiiiiiiiiiii malang .... al-quran d sipak2, d injak2 .

JAHANAM urang ini...ya Allah aki inda ada daya mau partahankan agama silam ini, yg tarmampu hati aki barkata ' salamatkan agama-MU '

Apa mau cakap ?

Janga2 kana rabus.

Zaman ini kita kana berjaga-jaga butul2 kalau inda alamat kita idup2 d tatak2 oleh manusia bakapala 7 .. pagi manusia, tanga hari jin, patang alim, malam iblis .. gantunglah macam2 ayat d pintu rumah kita.. jenis2 makhluk ini inda takut dengan ayat2 al-quran.

Di mana2 pun kelumpuk ini ada...dalam karajaan ada, dlm pambangkang ada, dalam rumah ada, dalam piring pun ada mala dalam kuali pun ada makhluk ini. Oleh itu jangan lupa ingat Allah selalu agar kita salamat dunia akhirat.

watak2 manusia zaman ini.

puasa inda lama lagi... siap2lah kita dari sikarang menanti bulan barakat ini, kalau inda alamat iblis kasi rabus kita idup2 sana periuknya..akhirnya tumbang kita.