Lagi2 pikiran tabalik !!!

Cakap inda sama karaja

Sajak kita pandai main pulitik dan mamangka tiap2 pilihan raya bunyi ini biasa2 kita dengar ' balian arapan bangsa, pemimpin masa dapan... sadap ini bunyi, enak, siuk dan bikin samangat sampai ada yg terlompat... apa indanya yg barcakap itu bukan tikus2 tapi gaja2 ... tapi hakikatnya apa kejadian ? ok lah ... lihat d kawasan sendiri saja bah. Siapa yb dia, siapa PKR dia, siapa cdo dia, siapa pemaju mukim, siapa ketua daerah, siapa ketua kampung, siapa pengurusi jkkkk, siapa ketua cawangan.... nahhhhh kanampakan suda kan. Semua ini mana ada remaja, mana ada belia, mana ada muda2 semua tua..sampai bila arapan bangsa mau masuk ? tungu mati dulu kah ? inda apa kalau yg duduk d sana berutak, bijak pandai, ada wawasan, ada pikiran besar ... jadi bila anak2 muda ini d bagi peluang ? tingok pilihan raya d sandakan .... laki mati bini ganti... mcm indada suda yg hebat2 di sana. jadi jalas pimpinan nagara di pigang oleh keturunannnnnn

bulum tau mananggggggggggg yb ..... kalau manang pun ada buyuk2 buat apa ( buyuk tatap ada ) pengundi jangan simpan utak d tempurung lutut ... pahammmmmmmmm kan

Masa ko CM

C yong ini luda pakat kuning2 dia masa jadi ketua menteri jadi emas ... sikarang dia naik calun d batu sapi macam2 dia cakap ' itu ini inda butul, semua inda ngam, diurang inda bagus aduiiiii .... kanpa masa jadi CM inda barabis kasi butul, kasi ngam, kasi cantikkkkkkkkk ? inilah pulitikkk punya cakap... jadi mau ikut cakap siapa lagi ? ko cabut lah bulu idung ko tu supaya sama LAGAS kapala ko baru urang parcaya ko yg paling bagus.

tabalik memikir

amin 3 x ... semua urang tau kalau cakap amin kan ? mari aki kasi tabalik pikiran kamu urang lapas itu pikir2kan butul ka inda. mana2 pun dalam dunia silam iman main paranan utama...kalau indada imam urusan silam inda sempurna mala tanpa imam agama indada. aikkkkk takajut kamu dengan cakap aki kan ? Nabi Muhammad saw itu imam bagi silam... (paham sudakan) k .. balik pasal iman. Tapi iman2 sikarang sakadar tukang baca doa saja, lapas abis doa d tinguk pun inda lagi...bah kamu pigi d mana2 acara pemimpin nagara, tukang2 baca doa ini ... abis sja doa semua urang balariii mangajar diurang imam lugai2 kasian mcm indada harga. Banyak urang lupa iman ini kalau kamu mati dia juga keluaraga kamu cari...jadi kasi sama tarap bah imam sama diurang ini.

Barapa harga ko ustaz ?

Kamu urang tingok kanyataan ustaz UMNO ini buli tahan.... kalau ada 100 pajuang ini macam dalam umno maraun bacarama d malaysia alamat tabalik ini malaysia kana bala, aki yg indada iskula pun inda buli tarima ini huja dia ... palui, budu sebulum budu akibat ubi2 yang samakin subur di keliling rumah dia .. pindik cerita kamu lihat sendiri lah.

ucapan dia ada juga bagusnya ... macam nasi campur campur sini campur sana bila bacampur dalam nasi sadappppp

berpantun pulakkkkk ustaz bukan d tutup dengan hadis dan quraan ucapan dia .... jalas bukan dia yg mencurak tapi dia kana curak ( budaya umno mana2 pembahas dan perwakilan yg bacakap ttap pantun punya )